И покрај повеќето понуди кои доаѓаа надвор од Македонија, поранешниот репрезентативец и доскорешен тренер на РК Прилеп, Горан Кузманоски-Таста, тренерската кариера ќе ја продолжи во домашното првенство.
Таста кој сезонава одново обезбеди опстанок во најелитното ракометно друштво со РК Прилеп, во наредните две сезони ќе ја предводи екипата на РК Скопје.
Дека се работи за сериозен проект и екипа која во иднина високо ќе котира во македонскиот ракомет, говори и фактот што до него на клупата како помошник ќе седи поранешниот пивот во ЖРК Вардар, Ања Алтхаус.
Германската интернационалка која е омажена со Македонец, е шесткратен освојувач на Лигата на шампиони и своевремено беше силна алка во ѕвездениот тим на вардарки.
Информациите велат дека покрај новата тренерска двојка, клубот веќе договорил и неколку играчки засилувања што ќе придонесат екипата да се бори во плеј-офот.
На Кузманоски му посакуваме големи успеси во неговиот нов ангажман и веруваме дека ќе ја опрадва довербата во Скопје.
