Неколкумина прилепчани вљубеници во модерната JAZZ музика, а со желба за збогатување на музичкиот живот во градот , иницираа манифестацијата која ја нарекоа “Прилеп џез викенд”.
И оваа година во последниот викенд од август месец ќе се одржи 5-от по ред “Прилеп џез викенд”, koј според програмата ветува одлична забава и уживање во џез звуците на музичари од Македонија и регионот.
Фестивалот и оваа година е поддржан од Локалната самоуправа на општина Прилеп, како дел од циклусот на летни фестивали и случувања, што одлично се вклопува во богатата фестивалска понуда на градот во летниот период.
