На 01.06.2019 година во галеријата на НУЦК „Марко Цепенков“ ќе се одржи 57-мата по ред државна изложба „Денови на Македонска фотографија 2019“. Организатори се Фото сојуз на Македонија и Фото кино клубот Прилеп. На оваа изложба ќе бидат престравени 122 фотографии на најрелевантните македонски фотографи и ќе бидат доделени награди на најдобрите.
Настанот започнува во 17 часот во градска библиотека „Борка Талески“, каде ќе има проекции на неколку македонски автори, а потоа се продолжува со изложбата на фотографии во 19.00 часот.
Другиот ден на 02.06.2019 ќе има организирано фото сафари низ град Прилеп и село Штавица на кој ќе присуствуваат најдобрите македонски автори со што ќе се придонесе за поголема афирмација на општина Прилеп.
Настанот е бесплатен и од отворен карактер. Можат да присуствуваат сите љубители на фотографијата.