Заев беше гостин во 24 Анализа со Мишко Иванов на ТВ 24 Вести, а домаќинот го замоли да даде своја прогноза за изборите во Америка кои тукушто беа започнати.
-Навиваме ние за демократите. Се надеваме дека Америка ќе има женски претседател, истакна Заев.
Експертите кои ги консултиравме сметаат дека Зоран Заев чисто од опортунистички причини решил јавно да го поддржи кандидатот кој имал најголеми шанси за победа, со цел да му се умилкува. „Затоа е насмеан како да се слика за пасош“, вели еден коментатор на фејсбук на видеото од одговорот на Заев кое се појави на интернет.
Други коментираат дека јавното застанување на Заев против Трамп и поддршка на Хилари Клинтон е своевиден реванш за ангажманот на западни дипломати блиски до Клинтон околу Заев и СДСМ, како и помошта која ја добиваат од нив. Трети пак велат дека не се работи ни за едното, ниту за другото туку едноставно Заев е влезен во серија на грешки кои ќе кулминираат на изборите на 11-ти декември.
СДСМ не само што навиваа за демократите и се надеваа дека Хилари ќе победи, туку и активно учествуваа во кампањата на Клинтон.
„Претседателот на СДММ и пратеник, Стефан Богоев е во студиска посета на Вашингтон, Соединети Американски Држави, како дел од кампањата на Хилари Клинтон, кандидатка за претседател на САД од Демократската партија“ – ова стои во официјалното соопштение на партијата со кое СДСМ уште пред неколку месеци го зазеде својот став во однос на американските избори.
Но синоќа за прв пат претседателот Заев јавно настапи против Трамп, а во поддршка на Хилари.
Изминатава недела воопшто не беше добра ниту за Заев ниту за СДСМ. После скандалозните пратенички листи, јавните критики и оставки од високите функционери кои не се најдоа на истите, жестоките коментари од активистите и симаптизерите и распаѓањето на опозиционата коалиција, сигурно на Заев и СДСМ добро ќе им дојдеше победа на нивниот пулен Хилари Клинтон и гаранција дека поддршката за СДСМ и нивните „акции“ ќе продолжи.
Шансите за тоа, велат експертите, сега се драматично намалени. А после изборите на 11-ти декември, веројатно и потполно ќе исчезнат.