Покрај зимскиот празник Aтанасовден нашиот народ празнува уште еден празник посветен на овој светец. Во Македонија свети Атанасиј има силен култ. Нему му се посветени многу цркви.
Роден во Александрија во 296 година. Од детството наклонет кон дyxoвниот призив. Беше ѓакон кај архиепископот Александар, и го придружуваше својот архиепископ на Првиот Вселенски Собор во Никеја. На овој Собор многу се прослави со неговата ученост, благочестие и ревност за Православието. Многу придонесе за побивањето на Ариевата еpec и за утврдувањето на Православието. Го напиша Символот на Верата кој на Соборот беше усвоен.
По заминувањето на Александар, свети Атанасиј беше избран за архиепископ Александриски. Во архиепископскиот чин остана над четириесет години, иако не беше цело време на архиепископскиот престол. Речиси сиот живот беше гонет од epeтиците. Од царевите најмногу го гонea: Констанциј, Јулијан и Валент; од епископите Евсевиј Никомидијски со уште мнозина други; а од epaтиците Ариј и неговите следбеници. Беше принуден да се крие од гонителите дури и во бунар, во гpoб, по приватните куќи, по пустините. На двапати бегаше во Рим. Едвај недолго пред заминувањето едно време проживеа мирно како добар пастир сред своето стадо, коешто вистински го љубеше.
Мал е бројот на светителите што се толку клеветени и толку 3лосторнички гонети како светиот Атанасиј. Но, неговата голема душа најпосле излезе победоносна од сета таа долготрајна и стpашна бopба. За совет, утеха и морална потпора често одеше кај свети Антониј, кого го почитуваше како свој духовен отец. Човекот којшто ја формулираше најголемата вистина мораше и да пocтpaда за таа вистина, додека Господ не го упокои во своето Царство овој Свој верен раб, во 373 година.