Во недела убав настан на МОГИЛА во Прилеп: Првачињата ќе дадат свечена заклетва, ќе има музика и дружење

Секоја година, првата седмица од месец октомври им се посветува на децата. Всушност, Светската недела на детето e недела кога интензивно се зборува за правата на децата. Тие се нашето најголемо богатство, нашата гордост и нашата иднина, светот останува на децата и треба да ги научиме да ги осознаат вистинските вредности на животот и да успеат во овој свет.

Во Детската недела има еден голем и значаен ден кој се празнува во целиот свет, тоа е 5ти Октомври – Меѓународниот ден на учителот. Да се биде учител, воспитувач, наставник, професор е најубавата но воедно и најодговорна професија која бара многу посветеност и одрекување.

Во име на учениците и нивните учители, Општина Прилеп организира настан под слоганот “Со мали чекори – кон големи соништа“ на кој што најмалите ученици – ПРВАЧИЊАТА преку симболичното свечено ветување (заклетва) ќе бидат примени во Детската организација, водени од своите наставници.

Време: Недела 05.10.2025година од 11 до 14 часот

Локација: Могила на непобедените – Прилеп




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.