Во Казнено-поправниот дом Прилеп започна жетвата на 160 декари јачмен

Во Казнено-поправниот дом Прилеп денес започна жетвата на 160 декари посеани со јачмен, како дел од планираните земјоделски активности на установата, објави Управа за извршување на санкции.

Во жетвените работи активно се вклучени и поголем број осудени лица, со што се поттикнува нивна ресоцијализација преку ангажман, стекнување на работни навики и чувство на одговорност.

Производството на јачмен е насочено кон обезбедување храна за сточниот фонд во установата, што придонесува за поголема самостојност и функционалност на интерните капацитети.

-Овие активности се дел од континуираните напори за ефикасно користење на расположливото обработливо земјиште и подобрување на условите за осудените лица преку продуктивен труд, соопшти Управа за извршување на санкции.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.