21. издание на фестивалот на скарата и пивото во Прилеп вечерва ќе го има своето финале. Оваа година популарниот “Пивофест” трае 3 дена, а за најголеми “ѕвезди” на фестивалската сцена беа најавени Харис Џиновиќ и Никола Роквиќ.
Прилепчани се со поделени мислења, од такви кои сметаат дека потребен е нов концепт, алтернативни сцени со различна музика од турбо фолкот, до такви кои сметаат дека фестивалот треба да ја промени локацијата, дека речиси и да го изгубил сјајот и дека е потребна далеку повеќе време поминато во организација за одново да достигне нова кулминација.
Освен прилепчани, фестивалот со Прилеп го коментираат и граѓани од останатите градови, менаџери, музички имиња… Вчера и денеска се прави споредба со македонските собири во село Овчарани – Егејска Македонија, каде деновиве започнаа традиционалните Илинденски прослави.
“Во слободна Македонија и во поробена Македонија! Сами дадете одговор”, стои во описот на една од објавите на ФБ која стана вирална.