Спој на мотор и хеликоптер кој неодоливо потсетува на возилото Stormtrooper од “Star Wars”.
Руската startup компанија “Hoversurf” го тестираше првиот летечки мотор со име “Scorpion 3”. Станува збор за стандарден мотор кој е дизајниран со технологија на дрон, која возејќи овозможува да се полета и со возилото да управувате во воздух.
“Scorpion 3” може да поднесе тежина од 120 килограми и предвиден е само за еден човек. Лета на висина до 10 метри, а може да достигне брзина од 50 километри на час. Функционира со помош на струја или хибридна батерија. Со стандардниот погон по полнењето може да се лета околу 27 минути, а со хибридната батерија летањето може да се продолжи за уште два часа.
Ф.Г.