Верувале или не, но во Англија се појави нова теорија околу идниот тренер на Манчестер Јунајтед. А тоа е, иако звучи неверојатно, Арсен Венгер.
– Клупата на Манчестер Јунајтед е сон за секој тренер. Барем за оној кој има храброст и самодоверба. Им требаат, по мое мислење, четири нови играчи во првиот тим. И мислам дека така би изградиле нов и силен тим. Луѓето претеруваат во оценките, Манчестер Јунајтед не е така лош како на многу им изгледа- изјави Венгер за “beIn Sports”.
Искусниот тренер кој моментално работи како коментатор на споменатата телевизија, ги лоцираше главните проблеми на тимот на Солскјер.
– Овој Манчестер Јунајтед нема изграден стил на игра, нема шема, ни добар пресинг. Тимот постои, но потребно е да биде воден и да се развие. Како што реков, четири играчи и може да размислуваат за титула. За сите трофеи, вели Французинот.