Денеска е трет ден од најголемите празници во Македонската православна црвква, Света Тројца или Духови, кој се празнува 50 дена по Велигден и 10 дена по Спасовден.
Празнувањето се продолжува цела недела.
На овој ден подот во храмовите се покрива со трева, покрај ѕидовите се потпираат гранки од липа, а иконите се китат со цвеќе.
За човек денеска да се заштити од злото и да го следи среќа, треба во џеб да носи чешне лук. Се смета дека така ќе има среќа цела година.
На Духови народот плете венец од трева, кој подоцна го носат во своите домови и го оставаат покрај иконите и кандилата, а многу од нив ги носат во своите автомобили или чанти.