Тироидната жлезда, со облик на пеперутка во вратот, може да има драматично влијание врз голем број на телесни функции. Ако сте жена над 35 години, шансите за нарушување на тироидната жлезда, според некои процени се повисоки од 30 проценти.
Според процените од страна на Американската асоцијација на Клинички Ендокринолози, најмалку 30 милиони Американци имаат нарушување на тироидната жлезда, а кај половина од заболените состојбата не е дијагностицирана. Веројатноста од проблеми со тироидната жлезда е за десет пати поголема кај жените во однос на мажите.
Тироидната жлезда се наоѓа под гркланот и произведува хормони со кои се регулира, меѓу другото, телесната температура, метаболизмот и отчукувањата на срцето. Нештата може да се влошат кога тироидната жлезда работи многу малку или премногу. Што може да предизвика лошо функционирање на тироидната жлезда? Виновниците можат да бидат генетски, авто имун напад, бременост, стрес, недостаток на хранливи материи, токсини во животната средина, но експертите се уште не се целосно сигурни.
Еве некои симптоми кои укажуваат на тоа дека треба да се провери тироидната жлезда :
Исцрпени сте
Чувство на замор може да биде поврзано со различни ситуации, но постои голема корелација со хипотироидизам, што е резултат на нарушување на создавањето на многу малку хормони на тироидната жлезда. Ако сте изморени и кога ќе се разбудите, дури и откако сте спиеле добро во текот на ноќта, тоа би можело да значи дека вашата тироидна жлезда не работи доволно добро.
Се чувствувате апатично
Чувството на тага и летаргија може да биде поврзано со симптомите на хипотироидизам. Хормонот на тироидната жлезда може да има влијание врз нивото на ” хормонот на среќата” серотонин во мозокот.
Дали сте нервозни и вознемирени
Анксиозноста и „чудното чувство“ може да бидат поврзани со хипертироидизам, кога тироидната жлезда произведува премногу хормони. Преплавено со хормони вашето тело може да биде во петта брзина. Ако не можете да се релаксирате, тироидната жлезда може да биде во „хипер“мода.
Апетитот и вкусот на храната се сменија
Зголемениот апетит може да биде знак на хипертироидизам, бидејќи поради премногу хормони од тироидната жлезда може постојано да се чувствувате гладни.
Бавната тироидна жлезда, од друга страна пак, може да ги наруши вкусовите и аромата на храната.
Доколку сте збунети
Ова може да биде причина на стареење или недостаток на сон, но когнитивните функции можат да бидат погодени и од лошата работа на тироидната жлезда. Кај премногу хормони на тироидната жлезда може да настанат тешкотии со концентрацијата, а премалку предизвикува заборавеност и општи “дупки” во вашата меморија. Често пати жените тоа погрешно и го припишуваат на менопаузата.
Сте изгубиле интерес за секс
Мала или никаква желба за сексуален живот може да се должи на нарушена тироидна жлезда . Многу малку хормони на тироидната жлезда може да влијаат на ниското либидо, но кумулативниот ефект се другите симптоми на хипотироидизам – зголемување на телесната тежина, недостаток на енергија, болки во телото – кои исто така играат голема улога.
Раскошни сте и возбудени
Тоа раскошно чувство може да биде чукање на срцето. Може да чувствувате како срцето да прескокнува отчукувања или чука премногу брзо и премногу силно. Тоа чувство го имате и во градите или кога ќе ги допрете пулсните точки на грлото или вратот. Срцевите палпитации може да бидат знак на хипертироидизам.
Сува кожа
Сувата кожа која се лупи може да биде знак на хипотироидизам. Промените во изгледот и текстурата на кожата се поврзани со намалениот метаболизам, а тоа може да го намали потењето. Кожата со недоволно влага брзо станува сува. Исто така, ноктите стануваат кршливи и груби.
Работата на цревата е непредвидлива
Луѓето со хипотироидизам понекогаш се жалат на запек. Нарушувањето во производството на хормони ќе предизвика забавување на варењето на храната. Ова е една од трите најчести симптоми на хипотироидизам.
Од друга страна, прекумерното производство на хормони на тироидната жлезда може да предизвика дијареја или честа столица.
Нередовни менструални циклуси
Подолгото траење на менструацијата со посилна болка може да биде знак на хипотироидизам. Скратено е и растојанието помеѓу двете менструации.
Со хипертироидизам, високото ниво на хормони доведува до менструална неправилност на еден поинаков начин. Крвавењето е помало и пократко трае, а интервалот помеѓу циклусот е поголем.
Болки во екстремитетите и мускулите
Ако имате ненадејни чувства на пецкање, вкочанетост или болка во рацете, нозете, стапалата или дланките, тоа би можело да биде знак на хипотироидизам. Со текот на времето, многу малкуте хормони од тироидната жлезда, може да ги оштетат нервите кои од мозокот и ‘рбетниот мозок ги испраќаат сигналите низ телото . Резултат на тоа се необјаснета болка и трпки.
Висок крвен притисок
Високиот крвен притисок може да биде знак на нарушувања на тироидната жлезда, хипотироидизам и хипертироидизам. Според некои процени, лицата со хипотироидизам имаат два до три пати поголема веројатност да имаат висок крвен притисок. Една од теориите е дека ниското ниво на тироидната жлезда ги забавува отчукувањата на срцето, кои влијаат на силата на пумпање и флексибилноста на крвните садови. Двете состојби предизвикуваат зголемување на крвниот притисок.
Нарушено регулирање на температурата на телото
Ова чувството е поврзано со хипотироидизам. Забавено потење кое е предизвикано од бавното работење на тироидната жлезда значи дека клетките потрошиле помалку енергија. Помалку енергија, значи и помалку топлина.
Од друга страна, премногу големата активност на тироидната жлезда ги поттикнува клетките на енергија за петта брзина. Затоа на лицата со хипертироидизам понекогаш им е топло и претерано се потаат.
Зарипнати сте и имате чудно чувство во вратот
Измените во гласот или чувството на грутка во грлото се поврзани со нарушената тироидна жлезда. Добро погледнете го вратот за да видите дали има какви било знаци на оток на тироидната жлезда.
Користејќи рачно огледало, погледнете во грлото кога проголтувате вода. Погледне дали има било какви испапчени изданија во областа на тироидната жлезда, која е под гркланот.
Ако видите нешто сомнително, јавете се кај вашиот лекар.
Нарушен сон
Постојано ви се спие? Тоа може да биде хипотироидизам. Бавната тироидна жлезда ги забавува функциите на телото.
Не можете да заспиете? Тоа може да биде хипертироидизам. Прекумерната работа на тироидната жлезда предизвикува анксиозност и го зголемува отчукувањето на срцето,поради што спиењето е тешко.
Косата ви е ретка и ви паѓа
Сувата, кршлива коса што пука или паѓа може да биде знак на хипотироидизам. Многу малкуте хормони на тироидната жлезда го попречуваат циклусот на раст на влакната и фоликулите на косата и се ставаат во состојба на мирување. Ова може да предизвика губење на влакната по целото тело.
Прекумерно активната тироидна жлезда , исто така, лошо влијае на влакната, но само на косата.
Не можете да забремените
Ако долго време без успех се обидувате да имате дете, премногу или многу малку активната тироидна жлезда може да биде решавачкиот фактор.
Двете состојби влијаат на овулација, што ја загрозува плодноста.
Висок холестерол
Високото ниво на лош холестерол, кое не одговара на исхраната, вежбањето или лековите, е поврзано со хипотироидизам. Зголеменото ниво на лош холестерол може да биде предизвикано од страна на мрзливата тироидна жлезда и претставува причина за загриженост. Нетретираниот хипотироидизам може да предизвика проблеми со срцето, вклучувајќи го и проширеното срце и срцевиот удар.