На првиот ден од новата година времето ќе биде сончево со мала до умерена облачност и со слаб до умерен јужен ветер.
По одделни котлини, вклучувајќи ја и Скопската, ќе има услови за појава на претпладневна магла. Преку денот ќе има умерено наоблачување и ќе биде релативно топло, особено на повисоките места.
Во вторник изутрина и во попладневните часови ќе има повремени врнежи од дожд, а само на повисоките планини врнежите ќе бидат од снег. Ќе дува умерен со засилен југозападен ветер, чиј правец кон крајот на денот ќе се промени во северен и од среда ќе предизвика заладување. Нов влажен и постуден бран со врнежи од дожд и снег ќе има во четврток.