Нестор-гол и понатаму решети низ Италија. Неговиот Палермо оваа година се натпреварува во втората по квалитет лига, но тоа ниту малку не го демотивира прилепчанецот и понатаму да ги полни мрежите на противничките екипи.
Во вечерашниот натпревар од шестото коло од италијанската Сериа Б против Про Верчели, нашиот Иле му донесе нови три бода на тимот од Сицилија, стрелајќи прецизно по еднаш во првото и второто полувреме за конечни 2:1.
Несторовски најпрвин израмни на 1:1 со погодок во 25-та минута, а на стартот на второто полувреме во 51-та стрелаше и за 2:1.
Со овие два погодоци Несторовски стигна до вкупно 4 и му помогна на Палермо да се искачи на третото место на тавелата.