Грчката влада се обиде да го минимизира значењето на митингот “Македонија е Грција” кој се одржа вчера во Атина. Во извештајот на Владата се тврди дека учествувале само “неколку илјади”, пренесува “Грчки репортер”.
Во соопштението објавено од канцеларијата на Ципрас, се повлекува дека организаторите и опозициските политичари очекувале милиони на вчерашниот митинг.
Проценките на Мицотакис и на поранешниот премиер Самарас за милиони демонстранти се покажаа како погрешни”, се вели во извештајот.
Грчката полиција соопшти дека само околу 140.000 луѓе учествувале на митингот вчера и, користејќи видео снимки од полицискиот хеликоптер.
Сепак не е познато во кое време е снимено видеото, бидејќи тајмерот во горниот лев агол е затемнет.
Министерот за граѓанска заштита, Никос Тоскас, тврди дека тајмерот бил погрешен и покажувал поинаков датум.
Критичарите се сомневаат дека видеото е снимено многу порано од 2 часот по локално време, кога митингот требаше да започне и толпата беше потенка.
Организаторите тврдат дека толпата броела над милион.
Многу корисници на социјални мрежи го исмеваат обидот на владата да го минимизира митингот. Потпретседателот на опозициската партија Нова демократија, Адонис Георгиадис, објави фотографија од митингот на Твитер, прашувајќи: “Зарем не се срамат да тврдат дека се само 140.000?”
Претседателот на Грчката полициска група (ПОЕСИ), исто така, ги исмејуваше официјалните проценки. Григорис Гееракос објави фотографија на неговата Фејсбук страница, која ги прикажува толпите собрани во и околу плоштадот Синтагма.
Видео снимките покажуваат огромна толпа што го опфаќа не само плоштадот Синтагма, туку и многу патишта што водат кон плоштадот. Неопределени набљудувачи велат дека толпата броела неколку стотици илјади силни.
Пратеникот од партијата на Ципрас “СИРИЗА” и поранешниот министер Димитрис Мардас оцени дека демонстрантите броеле помеѓу 500.000 и 560.000.
Говорејќи за SKAI TV, тој рекол дека побарал стручни совети и пресметал дека секој квадратен метар на плоштадот Синтагма бил окупиран со помеѓу 3,2 и 3,5 луѓе. Со оглед на тоа што целокупниот простор опфаќа 160.000 квадратни метри, тој дошол до заклучок дека толпата била над половина милион.