Во сабота со почеток од 16:30 часот на стадионот во паркот на “Могилата на непобедените”, ќе се одигра дуелот од третото коло од македонската Прва фудбалска лига помеѓу Победа и Шкупи.
Прилепска Победа ќе атакува на првите 3 бода против директниот конкурент од минатата сезона за сигурен опстанок во лигата.
Лошата игра, но и силните противници во првите две кола беа причината за пораз од Пелистер и Вардар, прилепчани беа особено разочарани по поразот на стартот од сезоната во Пелагониското дерби,
Дуелот со Шкупи е шанса победашите да застанат на нозе и да докажат дека во новата сезона се спремни за поголеми успеси.
Затоа во сабота сите на Могила!
А/Г/