Сончево и топло време со температура до 27 степени ќе се задржи и утре, а од понеделник ќе има заладување, облачно време со дожд и снег, најавува УХМР.
Во понеделник попладне на места врнежите ќе бидат поројни и проследени со грмежи. Ноќта кон вторник ќе почне да дува засилен северен ветер кој во наредните денови ќе предизвика опаѓање на дневните температури, така што на повисоките планини на север врнежите ќе поминуваат во снег.
