Со зголемувањето на странските инвестиции во технолошко индустриските развојни зони во Штип, расте извозот но и креирањето на нови работни места. Според директорот на ТИРЗ Виктор Мизо во првите седум месеци од годинава извозот од Зоните изнесува 820 милиони евра и е поголем за 25 % во однос на истиот период лани. До крајот на годинава се очекува за над 15 % поголем извоз во однос на претходната година, пишува Лидер.

-Во првите седум месеци од годината, извозот на компаниите лоцирани во ТИРЗ-овите изнесува над 820 милиони евра, што претставува зголемување од 24 проценти споредено со истиот период 2014 година. Бележиме континуиран раст на креираните работни места, во 2015 година проектирана е бројка од околу 5.000 реализирани вработувања во компаниите лоцирани во ТИРЗ-овите. Во првите седум месеци најголем дел од зголемувањето на извозот се бележи од работата на веќе постоечките компании, тука би ги истакнал Џонсон Мети, Џонсон Контролс во Штип, Ван Хоол, Кемет во Скопје, но очекувам засилување на извозот во втората половина на оваа година со Техникал Текстајл, како и отпочнување на КСС, ОДВ Електрик, Гентерм дополнително да влијаат врз зголемување на извозот. Иако овие проекции беа дека за разлика од минатата, годинава ќе имаме зголемување за 10 до 15 %, таа бројка ја имаме надмината и до крајот можеме да збориме за зголемување на извозот за 30 %, изјави Виктор Мизо, директор на ТИРЗ.

Почна со работа Техникал Текстајл во Штип

Вчера во ТИРЗ Штип почна со работа германската компанија “Техникал текстајл“, инвестиција чини околу 15 милиони евра, а во неа ќе се произведуваат повеќе компоненти од фиберглас кој има широка примена во градежната, авионската и автомобилската индустрија. Ова е втора компанијата во Зоната во Штип. Активно работи Џонсон Контролс, а наскоро и италијанската компанија Кондево ќе започне со активности на средината на идниот месец. Нивната градба треба да заврши кон средината на идната година, но неколку месеци пред тоа ќе започнат со вработување на нови лица со тренинг и обука. Ќе се отворат 250 нови работни места.

-Тоа се одлични раздвижувања за штипскиот регион. Локалната економија веќе ги чувствува влијанијата на новите инвестиции. Пред неколку месеци се отвори и новата фабрика на „Актива“. Оваа фабрика е во директна врска со белгиската инвестиција на „Ван Хол“ која успеавме да ја привлечеме во изминатите години. Веднаш до новата фабрика на „Актива“ во наредниот период очекуваме изградба на уште една фабрика, овој пат на германската компанија „Семак Фешн“ која во таа зона има купено земјиште од околу 35.000 метри квадратни. Ако некогаш Штип беше град во кој фабриките се затвораа, денес сведочиме на обратен тренд. Денес штипскиот регион е претворен во едно големо градилиште. Се градат голем број објекти, се отвораат фабрики, луѓето се вработуваат, процентот на невработеност полека, но сигурно се спушта надолу, а сето тоа влијае за подобар и поквалитетен живот на граѓаните. Тоа е голема сатисфакција за нашата досегашна работа, рече Никола Груевски, премиер на Р. М

“Јас во месец мај минатата година бев во авион кон Абу Даби за да потпишам договор за изградба на нова производствена хала, односно токму оваа во која сега се наоѓаме, а требаше да биде изградена во Абу Даби. Тогаш во еден светски економски магазин прочитав мал прилог за Македонија. Се нудеа добри можности за инвестирање. Затоа веднаш решив да го сменам авионот и да заминам за Македонија за да се информирам подетално за инвестирање во вашата земја. Имаше и други земји во кои се нудеа и можевме да добиеме субвенции од Европската унија, односно други големи финансиски поддршки. Тоа во Македонија беше можно само во ограничени рамки, но Македонија покрај другото нуди многу мотивирани работници, голем потенцијал на соработници, многу силна општинска и државна поддршка и многу други работи. Токму ова ја направи локацијата Македонија за нас многу интересна, па оттука тука ние преку Германско-македонско стопанско здружение стапивме во контакт со г. Мизо, а тој со својот тим ни дадоа многу детални информации за можностите за отворање на производствен погон во слободните индустриски зони. Јас многу брзо бев убеден од сета понудена програма и веднаш започнавме со голема брзина да работиме на проектот, рече Јенс Вендланд, сопственик на Техникал Текстајл

До каде се активностите на останатите компании во зоните ?

“Одв Електрик минатата недела ги започна сите подготвителни активности во ниваната нова локација во охридско струшката технолошко индустриска развојна зона и во втората половина на месец септември ќе ја официјализираме почетокот на градбата. Во случајот на КСС тие го привршуваат нивниот обејкт во зоната во Кичево, нормално активно работат веќе на тест-производството во браунфилд објектот во центарот на Кичево и во втората половина на месец септември ќе почнат да ги инсталираат машините. Гентерм исто така започна со градба и се очекува на средината на месец септември да дојде првата компанијата за која ги изработуваат производите да направи увид на нивното производство , а во случајот на Леар тие ги завршуваат потребните активности за адаптација на браунфилд објектот во Гостивар и во блиска иднина ќе ги започнат активностите со значи, изградба на нивниот објект во ТИРЗ Тетово“ изјави Мизо.

Според пресметките годинава се очекува драстично да расте бројот на нови работни места со отпочнување на работа на овие компании и да достигне до 5000 работни места. Во наредните две до три години бројката на компаниите инвеститори нема само да влијае врз зголемување на извозот туку и ќе биде генератор на нови работни места, истакна Мизо.

Во пресрет на вториот уписен рок закажан за 3 септември, од Универзитетот за информатички науки и технологии „Св. Апостол Павле” информираат дека во првиот уписен рок е забележан пораст од 30 отсто на бројот на запишани студенти, во споредба со минатогодишните уписи.

Оваа година бруцошите покажале најголем интерес за студирање на факултетите за Компјутерски науки и инженерство и Информатички системи, визуелизација, мултимедијална и анимациска техника и Студиската програма по е-влада, е-бизнис е-култура при Факултетот за применети информатички технологии, машинска интелигенција и роботика.

Во претстојниот уписен рок на идните студенти на Универзитетот „Св. Апостол Павле” им стојат на располагање 345 слободни места на петте факултети, распоредени во 10 различни студиски програми.

Повеќе информации во врска со уписите можете да најдете на веб страната на Универзитетот http://www.uist.edu.mk или преку комуникација со посредство на е-пошта на адреса [email protected] или телефон на 046 511 000..

На вкупно 1.288 странски државјани од вчера нсутро до изутрината до 8 часот им се издадени потврди за искажана намера за поднесување барање за признавање право на азил. Најбројни се бегалците од Сирија. Од јуни досега се издадени 47.994 потврди на странски државјани.

Како што соопшти МВР, од вкупно 1.288 странски државјани, 807 се од машки пол, 200 се од женски, 221 се деца кои го придружуваат носителот на потврдата, како и уште 60 деца кои патуваат без родител.

Според државјанството на лицата на кои им се издадени потврди, најбројни се државјаните на Сирија-1.114, Авганистан – 60, Пакистан – 54, Палестина – 27, Ирак – 13 додека другите се во помал број, соопшти МВР.

Во периодот од 19 јуни до денеска до 8:00 часот, издадени се потврди на вкупно 47.994 странски државјани, од кои, 33.114 се од машки пол, 6.593 се од женски, 7.480 се деца кои го придружуваат носителот на потврдата, како и уште 807 деца кои патуваат без родител, на кои им е издадена потврда за искажана намера за поднесување на барање за признавање право на азил.

Според државјанството на лицата на кои им се издадени потврди, најбројни се државјаните на Сирија-39.164, потоа Авганистан-2.258, Ирак-2.152, Пакистан-1.452, Палестина-603, Сомалија-564, Бангладеж-332, Конго-305, Нигерија-165, Камерун-154 Еритреја-142, Етиопија-109, додека останатите се во помал број.

Од започнувањето на издавањето на потврдите до денеска до Одделението за азил се поднесени 49 барања за признавање право на азил врз основа на претходно издадена потврда, при што 36 барања се од државјани на Сирија, од нив десет за деца, потоа три барања од државјани од Пакистан и Авганистан од нив четири се деца кои го придружуваат родителот, по две барања од државјани од Мароко, Алжир и Ирак (едно од барањата е за деца) и едно барање од државјанин на Египет.

Во ЈУ Прифатен центар за баратели на азил во дневниот регистар на баратели на азил до вчера евидентирани се вкупно 14 баратели на азил, од кои девет мажи (од кои еден барател на азил е повреден), две барателки на азил се жени (од кои една барателка на азил е хоспитализирана поради бременост), тројца баратели на азил се малолетни лица и еден барател на азил е малолетен без придружба со повреда.

До вчера до 17 часот мобилните екипи на Црвениот крст укажаа прва помош на 205 лица, од кои 114 на Табановце и 91 на Гевгелија, меѓу кои и на 11 трудници.

Дистрибуирани се 1.854 шишиња вода, 43 пакети со храна, 27 индивидуални хигиенски пакети, шест ќебиња и 28 пакети за бебиња.

Екстремистичката организација Исламска држава планира да ги заземе Блискиот Исток, северниот дел на Африка, делови од Европа, Балканот и делови од Кина во следните пет години, се наведува во книгата „Царство на стравот: Во Исламска држава“.

Книгата на новинарот од Би-Би-Си, Ендру Хоскин има и мапи на подрачја кои ИД планира да ги освои.

Калифатот, држава во која во сила е шеријатското право, на мапата зазема подрачје од Шпанија на запад до Кина на исток.

ИД претходно објави мапа на калифати, но сега прв пат се наоѓаат и делови на Кина.

Во средината на јули ИД објави видео-снимка на која како почетна мета на исламските терористи е означена Србија, а потоа следат и другите балкански држави.

На видео-снимката се наведува дека по освојувањето на Србија, ИД има план за освојување на Босна и Херцеговина, Хрватска, Црна Гора, Албанија и Македонија.

ИД неодамна објави пропагандна снимка со која им се заканува на балканските земји и ги повикува муслиманите од Балканот да и се придружат или да почнат напади.

Американскиот државен секретар Џон Кери ги обвинил Кина и Русија дека најверојатно ги читаат неговите електронски пораки.

Тој предупредил дека прашањето за кибер пиратството ќе биде отворено на средбата на претседателот Барак Обама со кинескиот претседател Си Џинпинг.

Кери во интервју за Си-Би-Ес, посочил дека постои голема веројатност дека Русија и Кина му ги читаат мејловите, бидејќи изминатите денови станало познато дека тие нападнале одреден број американски интереси.

Кери додаде дека кога пишувал електронски пораки тоа го прави со сознание дека Русија и Кина можеби го читаат.

– За жал живееме во свет во кој одреден број земји, во таа смисла и Кинезите и Русите постојано се вмешани во напади против американските интереси, против американската Влада, додаде Кери.

Навистина е необично да се види како мечка и волк се најдобри пријатели.

Финскиот фотограф Ласи Раутиаинен ја имал неверојатната можност да биде сведок на ова ретко пријателство.

За среќа, преку неговите фотографии и ние можеме да ја видиме оваа неверојатна унија.

Ласи 10 дена, секоја вечер ги набљудувал овие пријатели: сивата волчица и кафеавиот мажјак кои по неколку часа биле неразделни, па дури и ја делеле храната.

-Не е јасно како овие диви предатори станале пријатели. Навистина е неверојатно да се види вакво пријателство, тврди фотографот.

[Best_Wordpress_Gallery id=”23″ gal_title=”ФОТО: Волк и мечка најдобри пријатели, нешто што ретко или никогаш не се гледа”]

За сто години, никој повеќе нема да се капе во Италија и Шпанија, туку туристите масовно ќе одат на Балтичко Море, во Летонија и Естонија, тврдат двајца шпански истражувачи.
Како последица на климатските промени, ваквата судбина ќе ја снајдат не само овие две земји, туку и цел медитерански регион, предупредуваат тие, додавајќи дека туристите се повеќе за својот одмор ќе избираат летувалишта во земји од северна Европа.

Во студијата на Салвадор Бариос и Хуан Николас Ибањез за влијанието на климатските промни на европскиот туризам, се истакнува дека од 2100 година порастот на температурите во европските земји од Медитеранот, посебно во Италија и Шпанија, ќе ги избрка туристите од плажите за време на летото.

Сите убави места на северот на континентот, кои денес се сметаат премногу студени, како што се бреговите на балтичките земји, би можеле да доживеат силен развој на приморскиот летен туризам, наведуваат тие, пишува „Кориере дела сера“.

Шпанските истражувачи предвидуваат дека од почетокот на 22 век, приходите од туризмот во земјите од Медитеранот ќе почне да се намалува за 0,45 отсто годишно, додека во земјите од северна Европа ќе расте по стапка од 0,32 отсто годишно.

За неколку месеци Земјата ќе биде на удар на екстремни поплави, големи суши и пожари од невидени размери.

Оваа предупредување го пренесува Дејли Телеграф откако консултирале угледни светски метеоролози.

Метеоролозите предупредуваат дека не чека најлошата зима во историјата, а зад овие катастрофални појави стои климатското пореметување кое овие години ќе биде најекстремно.

Ел Нињо, климатското пореметување, оваа година има шанси да стане климатска Годзила.
Ел Нињо е метеоролошки феномен кој се појавува во период од две до седум години, а НАСА внимателно ги следи температурите на морето на истокот од Пацификот, кои се клучни индикатори за оваа појава.

Обидете се да ги пронајдете сите разлики на фотографијата во продолжение.

Ромарио Алвес има 25 години, а неговите мускули изгледаат навистина шокантно и неверојатно.
Тој сакал да личи на Хулк, па затоа почнал да користи синтетички средства кои си ги вбризгувал во рацете.

Верувале или не, тој во рацете ставал нафта и алкохол, со цел да ги „надува“ мускулите.

Но не поминало долго време пред тој да почне да се кае за стореното, откако децата во неговиот роден град почнале да се плашат од него и да го нарекуваат монструм.

– Докторот ме предупреди дека можеби ќе дојде до момент кога ќе треба да ми бидат ампутирани рацете. Можев да умрам затоа што сакав поголеми мускули, а тоа не е вредно, вели Ромарио.

Ромарио повеќе од 2 години не ги користи штетните супстанци, но штетата е веќа направена.

Тој се надева дека ќе остане успешен бодибилдер и дека нема повторно да се врати на оваа бизарна зависност.