Серие А одамна не е на врвот на европскиот фудбал, па поради тоа тренерите во оваа лига имаат помали примања од оние во шпанската Примера, англиската Премиер лига па и германскта Бундеслига.

Според истражувањата на угледниот весник „Газета дело Спорт“ најплатен тренер во италијанската Серие А е Роберто Манчини (Интер) со годишна плата од 4 милиони евра. Следува Масимилијано Алегри (Јувентус) со 3,5 милиони, а трет е Руди Гарсија (Рома) со 2,8 милиони евра годишна плата.

Тренерот на Милан Синиша Михајловиќ е четврти на листата со годишна плата од 2 милиони евра, а интересно е тоа што „Росонерите“ се уште ги исплаќаат поранешните тренери Филипо Инзаги (1,5) и Кларенс Седорф (2,4) поради едностран раскин на договорот.

Во иста ситуација е и нивниот градски ривал Интер кој има обврски кон Валтер Мацари од 3,5 милиони евра годишно.

Над 1 милиони евра годишна плата имаат уште поранешниот тренер на Фиорентина Виченцо Монтела (1,4) и неговиот наследник Пауло Соуса.

Најмала плата во Серие А има тренерот на Емполи Марко Џампаоло и тоа 200.000 евра годишно.

Програма на одбележувањето

Понеделник, 7-ми Септември

09.00 – Работен дел на Советот на Општина Крушево (кабинет на Градоначалникот)

10.00 – Полагање на свежо цвеќе на спомен обележјата на народните херои и првоборците во крушево

10.30 – Полагање севежо цвеќе на Партизанските гробишта

12.00 – Свечена седница на Советот на Општина Крушево (хотел Монтана, конгресна сала)

– рецитал на учениците од СОУ ,, Наум Наумовски – Борче,, Крушево

– Коктел

Вторник, 8-ми Септември

20.30 – Концерт ,, Пицикато,, – настап на Пламенка Трајковска – Гудачко трио (Градски плоштат ,,Никола Мартиноски

Легендарната Нокиа 3310 се враќа. Страницата „Али Експрес“ најави дека во следните неколку дена во својата понуда ќе има целосно нови Нокиа 3310 по цена од шест евра.

Популарниот телефон што своевремено предизвика револуција на пазарот, може да се нарача со посредство на компанија во Сингапур.
На испорака се чека три до четири недели, а купувачот е ослободен од поштарина.

Овој класичен мобилен телефон од 90-тите години, за кој се веруваше дека може да преживее и апокалипса, освои милиони корисници низ целиот свет со својата издржливост, едноставнсот за користење и големина.

Освен екран осветлен во зелена боја, Нокиа 3310 има и именик со 250 контакти, 35 мелодии, часовник, стоперка, аларм и дигитрон, а батеријата за разлика од денешните смартфони трае цела недела.

Овој вознемирувачки настан се случил на сред бел ден во Сао Паоло, Бразил, кога еден вооружен човек ја држел својата девојка како заложник.

Луис Антонио да Силва (49) ја заробил својата девојка пред катедралата, по кавгата помеѓу нив која се водела во црквата. Девојката сакала да го напушти, а тој бесен ја зграбил и и’ вперил пиштол во глава.

Ерасмо Франциско Родригез де Лима (61), бездомник кој случајно се нашол на тоа место, без размислување истрчал да помогне на преплашената девојка, додека полицијата од страна смислувала решение како да се справи со киднаперот.

Во тој момент започнува да пука и киднаперот и полицијата, а храбриот херој е застрелан во градите.

Ве предупредуваме дека видеото е со исклучително вознемирувачка содржина:

Храбро шестгодишно момче го даде својот живот за да ја спаси својата сестра од сексуален напаѓач кој провалил во нивниот дом.

Доминик Андујар слушнал дека неговата сестра Амбер бара помош, па истрчал да и помогне, но тогаш напаѓачот се фрлил на него и го убил. Двете деца имале пресечено грло, но само Амбер успеа да преживее. Таа истрчала на улица и побарала помош.

Полицијата го фатила напаѓачот Освалдо Ривера и е осуден на 110 години затвор.

Кога се случил нападот, мајката Деби била во болница поради операција, па децата биле кај нејзината сестра.

Амбер тој ден го славела 12 роденден. Спиела на каучот кога Ривера провалил во куќата. Тој зел нож и ја држел за грлото додека ја злоупотребувал. Тогаш дотрчал Доменик кој го турнал да ја спаси својата сестра, а додека се борел со напаѓачот, Амбер успеала да се ослободи. Меѓутоа, додека да дојде полицијата, детенцето веќе умрело.

Кошаркарите на Македонија на мечот со Грција ја имаат поддршката од фановите.

„Црвено-жолтата“ боја на трибините на „Арена Загреб“ очекуано доминира. Македонските фанови се побројни и ги бодрат нашите кошаркари на мечот со Грција. Имаат солидна поддршка од трибините нашите кошаркари, а се надеваме дека така ќе биде и на следните мечеви.

Утре, со почеток во 15 часот Македонија го игра најважниот меч против Холандија, која денеска направи изненадување и ја совлада Грузија со 73:72.

Едриен Луис има 18 години и држи неверојатен светски рекорд – нејзиниот јазик е долг цели 10 сантиметри!

Неверојатно, но до некаде и грозно, но таа со својот јазик може да си го лизне и окото.

Моменталниот рекорд за најдолг јазик го држи Ник Стоберл, а неговиот јазик е долг 9,9 сантиметри.

Јазикот на Едриен е долг точно 10,16 сантиметри, па по потврда од тимот таа може да се најде во Гинисовата книга на рекорди.

Високиот комесар за бегалци при ОН Антонио Гутериш денеска повика 200 илјади мигранти да бидат распределени меѓу земјите членки на Европската унија преку задолжителните квоти. Според него учеството на оваа програма треба да е задолжително за сите земји од заедницата, пренесе МИА.

Лицата кои бараат заштита треба да бидат вклучени во масовната програма за утврдување на новото место со задолжително учество на сите земји членки на ЕУ. Според првичните оценки станува збор за околу 200 илјади лица, посочи Гутериш.

– Европа денес се соочува со најголемиот притисок на бегалци во последната декада. Ситуација која бара масовни заеднички напори, невозможно да биде изведена со сегашниот фрагментиран пристап од страна на ЕУ, истакна Гутериш.

Според неговите податоци од почетокот на годината 300 илјади лица го минале Средоземното Море, а над 2.600 загинале за време на патувањето.

– Случајот е пред се, бегалска криза а не само миграциски феномен, затоа што повеќето кои пристигнуваат во Грција доаѓаат од земји каде се војува како што се Сирија, Ирак и Авганистан, рече тој.

Според Гутериш единствен начин да се реши проблемот е да се разработи заедничка стратегија врз основа на одговорност, солидарност и доверба која предвидува итни и храбри мерки за стабилизирање на ситуацијата.

– ЕУ треба да е подготвена, во согласност и поддршка на засегнатите влади, посебно на Грција, Унгарија и Италија да овозможи примање и итно регистрирање на оние кои пристигнуваат, рече Гутериш. Тој потенцираше дека мигрантите кои немаат основа да останат во Европа треба да бидат вратени во нивните земји.

Министерството за култура ги објави Годишните конкурси за финансирање проекти од национален интерес во културата за 2016 година, по одделни области и за одделни активности од културата.

Министерството за култура соопшти дека во конкурсите се содржани условите за учество, како и критериумите и мерилата по одделни дејности според кои стручните комисии ќе вршат евалуација на пристигнатите проекти. Годишните конкурси траат 45 дена од денот на објавувањето.

Согласно измените и дополнувањата на Законот за културата објавени во „Службен весник на Република Македонија“ бр. 44/14, Годишните конкурси од минатата година, наместо во мај, се објавуваат во септември.

По повод Денот на независноста на Република Македонија – „8 Септември“, Државниот архив публикува серија копии од репрезентативни документи од македонското културно наследство.

– Од богатата ризница на архивски материјал избрани се: фрагмент од Евангелието на Лука од 12. век, Решението за прогласување на Илинден – 2 август за народен празник на Македонија од 1944 г., Решението од АСНОМ за заведување на македонскиот јазик како службен јазик во Македонија од 1944 г., Законот за името на Народната Република Македонија од 1946 г. и Декларацијата за меѓународно признавање на Република Македонија како суверена и независна држава од 1991 година, соопшти денеска Државиот архив на РМ.

Ексклузивната серија, изработена на „фабијано“ хартија, е прва едиција од овој вид наменета за промовирање на македонската историја во земјава и во странство. Сите заинтересирани ќе можат да ги набават овие ексклузивни копии по пристапни цени во Државниот архив на Република Македонија, се вели во соопштението.