Годинава која штотуку започна, ветува мноштво случувања како на меѓународната политичка, така и на економка сцена. Едно по секако ќе биде заедничко, несогледливата конкуренција помеѓу политичките, економски и технолошки „гиганти“, пред се меѓу Кина, САД и Русија.

На политичката сцена, неколку жешки теми ќе ја одбележат оваа година, парламентарни избори кај американските демократи, избори за Европскиот парламент, но и предвремени избори во Израел, додека економски гледано, оваа година ќе ја одбележат два големи натпревари – освојувањето на вселената, но и борба за пазарот на петата генерација во сферата на телекомуникациите.

Избори кај демократите во САД

Следните претседателски избори во САД ќе се одржат кон крајот на 2020 година. Меѓутоа, кандидатите кои ќе се тркаат за место претседател на САД, ќе бидат познати неколку месеци пред тоа. Дали некој ќе ја преземе „диригентската палка“ од Доналд Трамп, се уште не се знае.

Меѓутоа, кај демократите желбата да се земе „палката“ е голема. На претстојните пратенички избори во трката за кандидати кај демократите се очекуваат дури 40 имиња. Меѓу нив е некогашниот потпретседател на САД, Џо Бајден, но и некој други лица како популарната тв водителка Опра Винфри, иако не е сигурно дали таа ќе даде согласност да учествува во трката за следен американски лидер.

Избори за Европскиот парламент

И порај тоа што Европскиот парламент не влијае во голема мера на политиката на Европската унија, токму ова тело привлекува огромно внимание кај медиумите и јавноста. Распоредот на силите во парламентот во одреден степен ја претставува сликата и приликата на политичката состојба на Стариот континент.

Целата сторија прочитајте ја ТУКА

Пратеникот од редовите на ДУИ Артан Груби, со нова провокација, овој пат во живо од студиото на Телевизија 24. Епилогот од жестоката дебата која тој ја имаше со водителот, беше летањето на албанскиот орел и навредата кон македонскиот ракометар Стојанче Стоилов, кого го нарече играчот со број 5.

Претходно кога се објави Законот за двојазичност во Службен весник, тој и` порача на опозицијата која целиот период се противи на истиот, ВМРО-ДПМНЕ да го преведе на албански и таква табла да постави пред своето седиште.

За својот лидер, Груби имаше само пофалби, а на прашањето колку струи има во ДУИ, одговори дека имало трофазна струја олицетворена во Али Ахмети.

Температурата пониска од минус 50 степени целзиусови е измерена во 12 области во Рускиот регион Јакута, соопштува регионалната метеоролошка канцеларија на својата веб страна.

Училиштата се затворени, а службите за вонредни ситуации се на готовс.

Во местото Уст-Нер во областа Ојмјакон, измерена е темепратура од – 55 степени целзиусови, заедно со густа магла и скоро нула видливост.

Во оваа област пред 80 години е измерена температура од – 71,2 степени целзиусови.

„Во вакви услови децата не одат на иучилиште, но учат од дома и ги извршуваат задачите кои наставниците им ги задаваат. Задолжителна е посебна облека која се состои од крзнени капи, бунди и чизми од крзно од ирвас“ рекла Татјана Алферова, лолален службеник.

Лекарите препорачуваат да не се излегува надвор на ваква температура зошто студеното време е штетно за органите.

Македонија извонредно го почна натпреварот против големиот фаворит Шпанија во четвртото коло од Групата Б на Светското првенство во Германија и во Данска, но на крајот ни донесе пораз- 21:32, полувреме 12:13.

Овој неуспех значи дека денешната средба против Исланд ќе решава за нашиот конечен пласман на светскиот собир.

Гол што е вреден за одбележување од првиот дел е погодокот на капитенот Кире Лазаров, во 24 минута со играч помалку на теренот.

Погледнете ја бомбата од десетина метри.

Неодамна Прилеп ја доби првата мерна станица за квалитет на воздухот.

Резултатите овие денови се поразителни и покажуваат дека прилепчани дишат многу загаден воздух.

Синоќа во 22 часот преку веб апликацијата “Moj воздух”, можеше да се забележи дека Прилеп е најзагаден во цела Македонија.

Мерната станица поставена на општинската зграда покажа високи 572 микрограми на метари кубен ПМ-10 честички.

Рекорди буткаме хехе pic.twitter.com/sB53IgkFiB

— Васил Чакаларов (@Vasi11Cakalarov) January 16, 2019

Посетителите на популарната колумбиска плажа беа преплашени од огромен крокодил кој излезе од џбуновите.

Неколку момчиња мирно шетаа на плажата, но кога го видоа рептилот, панично се разбегаа. Плажата е дел од природниот парк, па од локалните власти изјавика дека појавата на крокодилот е добар знак.

“Важно е да се запомни дека ова подрачје не е само за луѓето да уживаат туку и за да се заштитат животинските видови”, изјави директорот на паркот Луз Елвир Ангарита.

Во денешната емисија „Топ Тема“ на телевизија Телма гостуваше евро амбасадорот Самуел Жбогар кој кажа дека иако Македонија го постигнала договорот со Грција за името постојат повеќе услови за отворање на престапните преговори со ЕУ.

Тој истакна дека и министрите од ЕУ минатата година кажале дека земјата мора да ги продолжи и да ги продлабочи реформите. Жбогар потенцираше дека нема многу време до јуни кога министрите на ЕУ ќе одлучуваат и дека земјата треба да покаже дека постои промена во реформите и дека реформи се постигнати.

Идниот месец ќе се објави тендерот за првата делница за автопатот Скопје-Блаце, по што ќе отпочнат градежните активности – информираше пред неколку дена министерот за транспорт и врски Горан Сугарески.

Втората денлница, пак, ќе почне да се гради следната година. Според предвидените рокови, автопатот ќе биде во употреба во 2023 година. Автопатот ќе биде долг 12,5 км, со по 3 ленти во двата правци. Проектот е вреден 110 милиони евра. Најголем дел од парите се кредит од ЕБОР. Дел се грант од ЕУ, а дел од буџетот на Државни патишта.

И покрај најавата за тендер за изградба на автопат од Битола до Прилеп, кој би се поврзал со експресниот пат кој е во изградба Прилеп-Градско, сеуште нема ни глас ни абер.

Имено, министерот Сугарески заедно со директорот на ЈП за државни патишта, Зоран Китанов, во септември минатата година беа во посета на општина Могила, од каде Китанов изјави:

„Ќе има и тендер за многу сериозен зафат, а тоа е автопат од Прилеп до Битола што ќе се поврзи заедно со експресниот пат кој се гради од Дреново до Фаришка Клисура. Пред два месеца го отпочнавме инстраструктурниот зафат Градско -Дреново што значи од Градско до Прилеп ќе се вози по експресен пат, рок на завршување две години, а во меѓувреме ќе почне да се гради автопат, а за да не настане застој во сообраќајот прво ќе се гради едната делница , па другата“.

Истиот проект Сугарески го најави и порано во април месец минатата година:

ВИДЕО: “Канал 5”

Владата потврди дека албанскиот јазик ќе се воведе во сите општини и институции во Република Македонија и за таа цел мора да се вработат Албанци, а доколку не се почитуваа оваа одредба најавени се и казни со посебен член во законот.

Владиниот портпарол Мухамед Хоџа на денешната прес конференција одговарајќи на прашањето дали општините и институциите кои немаат вработено Албанци како на пример Радовиш или друг град каде нема жители Албанци ќе мора да вработат Албанци, изјави дека законот мора да важи за сите.

– Законот важи за сите. Во овој случај важи и за сите институции. Тие институции кои нема да ја практикуваат употребата на јазиците во согласност со законот кој стапи на сила, се предвидуваат и казни со посебен член во овој закон, рече Хоџа.

Хоџа ги потврди тврдењата дека ќе биде спроведена целосна двојазичност на целата територија на државата и дека ќе следуваат казни доколку не се применува.

Со ова се остваруваат и прогнозите на ВМРО-ДПМНЕ кои уште од почеток велеа дека власта сака да ја спроведе двојазичноста низ целата република и дека спроведувањето на овој закон во местата каде што нема потреба само ќе создаде и непотребни и сложени и продолжени правни процедури. Од ВМРО-ДПМНЕ исто така предупредуваа дека овој закон само ќе ја зголеми недовербата и продлабочи поделбите кај Македонците и Албанците, но ќе ја зголеми и дискриминацијата кај помалите етнички заедници

Водно законот исто така ќе создаде и правна конфузија, кога илјадници правни процедури ќе може да бидат блокирани или продолжени со месеци, што ќе доведе до хаотичност во институциите и општеството и ќе создаде тешкотии за сите граѓаните на државата.