Времето денеска ќе биде променливо облачно со сончеви периоди и со слаб до умерен источен ветер.

Максималната температура ќе достигне до 15 степени.

Времето во среда ќе биде претежно облачно со врнежи кои ќе започнат од југ и таму ќе се и поинтензивни, а потоа ќе се прошират кон север со послаб интензитет.

Врнежите ќе започнат како дожд, а до крајот на денот ќе преминуваат во снег понекаде на повисоките места, особено на југозападот. Ќе дува слаб до умерен северен ветер.

Во четврток времето ќе биде променливо облачно со слаб до умерен северозападен ветер.

Многумина во текот на зимата облеката ја сушат во домот. Но, сушењето на облеката во затворен простор ја зголемува количината на влага во воздухот за 30 проценти.

Со тоа се создаваат идеални услови за развој на габи, особено на габата „Aspergillus fumigatus“, која многу лесно се вдишува и на тој начин се внесува во организмот.

Оваа габа обично не е опасна за здравите луѓе, но кај оние со слаб имунитет може да предизвика воспаление на белите дробови.

Освен тоа, за здравјето на сите нас не е добро да се вдишува влагата во која се наоѓаат хемикалии од детергенти и омекнувачи, кои во мали количини и по перењето остануваат на облеката.

Најдобриот и најздрав начин за сушење на облеката е надвор на отворено, особено во пролетните и летните месеци, бидејќи меѓу останатото, ултравиолетовите зраци ги убиваат микробите и бактериите.

Сушењето на облеката надвор се препорачува и во зима и покрај ниските температури, а добро решение е и машината за сушење алишта.

Енормно ниски температури и мраз ја заковаа Америка, а особено се загрозени јужните области кои никогаш не биле погодени од вакви временски услови.

Дивиот свет ја плати цената, па глетката во Северна Каролина е застрашувачка. Имено, може да се забележат алигатори кои се замрзнати во водата.

Катастрофалната состојба на повеќе улици во Прилеп била инспирација за младите од ВМРО-ДПМНЕ да ги украсат со зимзелени растенија, накитени со банкноти од 500 евра.

Голманката на црногорската екипа во КУНГ ФУ стил успеала да одбрани една топка, која изгледала како зицер кој нема промашување.

Нејзиното име е Дарли Зокби де Паула, а нејзината одбрана стана хит кој нема да се заботави.

Погледнете:

Цевка експлодира на булеварот “Гоце Делчев” во центарот на Прилеп вечерва. Засега причината не е позната, а на улицата изби голема количина на земја и камчиња.

На лице место има и екипа на полицијата.

Рекордни врнежи од дожд предизвикаа опасни поплави во австралискиот град Таунсвил во Квинсленд. Водата достигнала длабочина од 1,16 метри, па неопходно било со помош да се вклучи војската.

Австралиската армија поставила 70.000 вреќи со песок и им помагала на жителите да се спасат од големите поплави.

Водата донесе и други опасности, па така голем број крокодили и опасни змии биле забележани како се движат по улиците и куќите.

Според властите, околу 20.000 домови се ставени во опасност од поплавите.

Ангел Митев нема да патува на Европското карате првенство за кадети, јуниори и јуниори -21 година во Алборг, Данска, оваа недела, на кое Македонија ќе настапи со најдобрите поединци од нашата држава – пишува специјализираниот портал за боречки спортови “Ипон.мк”.

„Карате клубот Кеикс во составот на нашата репрензетација има троица кандидати кој се стекнаа со право да учествуваат на ова Европско првенство: Вероника Костовска, Мевлуд Мемеди и Ангел Митев. Митев е Државен првак и репрензетативец кој на овој натпревар нема да патува, поради финансиските трошоци за ова првенство (околу 1000 евра по репрензетативец за да ги брани боите на Македонија) кој се на товар на клубовите или родителите“, соопшти тренерот на Кеикс Елвир Куртановиќ и додава:

„Во јавноста, на ФБ, на Инстаграм, многу често ќе видите ресторански дружби на каратистите кои оставаат впечаток дека во оваа Федерација секој ден нешто се прославува, но реалната слика е сосема друга, а тоа е дека едни слават други плачат дома затоа што 10-годишниот труд вложен во овој спорт е залуден, кога на крајот не можеш да се натпреваруваш, иако си заслужил да бидеш член на националниот тим. Се поставува прашањето дали и кој на овие спортисти треба да и обезбеди средства да спортуваат и се натпреваруваат? Зошто секогаш официјалната делегација на КФМ патуваа во комплетен состав, а репрензетативците не? Како вели еден мој карате колега „да, но репрензетативците не гласаат, ако би имале право на глас, ќе беше друга состојба“. Фрапантни се финансиските податоци за начинот на кои се прикажуваат во јавноста. За оваа тема веќе имам договорено во една наша позната телевизија каде попрецизно и конкретно ќе изнесам околу лошото финансиско менеџирање и штетите од една ваква политика , за која одговорните треба да се подзамислат и ако не знаеле да ги променат овие недостатоци“.

Куртановиќ истакнува дека неговиот револт како тренер е голем, затоа што Ангел Митев освојувајки неколку меѓународни турнири покажал дека има потенцијал во иднина да освојува врвни спортски резултати на најголемите спортски настани.

„Но, секако тереба да е таму а не дома, од каде со своите родители, кои потрошија многу пари во негово спортско усовршување, ќе го следат ова Европско првенство .

Нема да спијам мирно додека трудот на нашите децата вака се обезвреднува. Спортот е национална гордост и обврска на сите нас кои на каков било начин сме ангажирани во спортот, и таа обврска треба да ја завршиме или да му ја препуштиме на некој кој ќе овозможи услови за спортување и натпреварување“, порачува Куртановиќ.

Извор: “Ипон.мк”