Советот на Меѓународниот фестивал на народни инструменти и песни „Пеце Атанасовски“ реагира на веста дека оваа национална манифестација што го негува изворниот мелос по 45 години ја нема во програмата на Министерството за култура за оваа година. Односно, не доби ниту денар за активностите.

Според секретарот на фестивалот Златко Лашкоски, ова е шокантно и никогаш не се случило во четири и пол децении постоење на овој Фестивал, што ги негува и ги одржува изворните традиции од овие простори.

-Во годината кога Меѓународниот фестивал на народни инструменти и песни „Пеце Атанасовски“ одбележува 45 години постоење, стигна веста дека од Министерството за култура доби „0“ средства за финансирање. Имало скусување на бараните средства, ама не се случило, буквално, фестивалот „да се избрише“. Ова е срамно и мислам дека со оваа одлука се девалвира фестивалот што ја негува и ја одржува изворната музика во Македонија. На Фестивалот настапуваат не само македонски изведувачи, туку и изведувачи од сите националности во земјава и ја претставуваат изворната музика. Сите заслужуваат да го имаат овој Фестивал, но ние, всушност, не знаеме што понатаму. Оставени сме на милост и немилост, изјави на прес конференција Лашкоски.

Организаторот на Фестивалот Донка Бачанова вели дека тој е национален бренд на зачувувањето на изворниот мелос од овие простори. Се одржува во Прилеп и Долнени, каде на Рудина доби и Амфитеатар. Има и Семинар за изучување на народните инструменти, а се изучуваат и на универзитетот во Штип. Секоја година настапуваат барем по 300 изведувачи од земјава и гости од странство.

-Фестивалот на народни инструменти и песни „Пеце Атанасовски“ се води како фестивал од национален интерес. И без разлика на рестрикциите досега, беше признат од Министерството за култура. Сега е проблемот што сме „избришани“ од Министерството, вели Бачанова.

Советот на фестивалот се уште се надева дека со ревидирање на програмата на Министерството ќе добие колку-толку средства. Во спротивно, Фестивалот сепак ќе се одржи и тоа, велат, пред Министерството за култура.

-Ние во Советот на фестивалот размислувавме дека, ако не добиеме пари од Министерството, нема да го прекинеме фестивалот кој има континуитет од четири и пол децении, ќе го одржиме со помош на пријатели, но ќе го одржиме пред Министерството за култура за да видат за каков фестивал станува збор, рече Лашкоски.

Извор: “Курир”

Документи за идентификација ќе можат да се извадат со „Република Македонија“ дури и откако во сила ќе стапи овие денови новото уставно име со објава во Службен весник затоа што МВР се уште нема распишано тендер за обрасците.

Пасоши, лични карти, возачки дозволи со името „Република Северна Македонија“ ќе се издаваат дури во периодот кога ќе заврши целата тендерска постапка и ќе се изврши набавката, а до тогаш останува старата тековна процедура.

Портпаролот на Владата, Миле Бошњакоски за „Мета“ одговори дека откако нотата ќе биде испратена и ќе биде објавено во Службен весник, потоа МВР треба да распише јавна набавка за новите документи.

„МВР треба да набави нови пасоши, документи. Нема ограничување за тоа, дали додека трае набавката на документите граѓаните ќе можат да вадат нови, бидејќи ќе си добијат документи по старо, кои потоа ќе треба да ги заменат во рок од пет години“, одговори Бошњакоски.

За сега не е познато колку време ќе трае процедурата за набавка на нови документи.

Извор: “Инфомакс”

Маја Рековиќ од Скопје боледува од леукемија, но само 5ml крв (не е важна крвна група), можат да помогнат во нејзиното лекување и да и го спасат животот.

За сите прилепчани кои сакаат да бидат хумани и да донираат за Маја, со цел да се пронајде вистинскиот донот, тоа можат да го сторат во петок, 15.02.2019, од 10-12 часот, во амбулантата Анастасија наспроти хотел Липа.

Да помогнеме и да спасиме еден млад живот!

Жителите од другите градови тоа можат да го сторат и во ИНСТИТУТОТ ЗА ИМУНОБИОЛОГИЈА И ХУМАНА ГЕНЕТИКА во Државната болница во Скопје.

Од ветените 10% плата, денес според пресметките добиени од платата има само делумно покачување. Односно покачување од 10% за лекарите на плата, и покачување 8% за дежурство на медицинските сестри и тоа само во рамките на Клиничкиот центар.

Лекарите од другите установи се револтирани, бидејќи за другите здравствени установи нема покачувања како што се здравствените домови и градските болници по другите градови. Со овој чин министерството покажува дека имаат делумно покачено плата не комплетна за сите лекари и здравствени работници по здравствените установи и болници. Филипче ја изигра довербата на докторите и медицинскиот персонал.

Од зградата на Владата веќе е отстранет натписот „Влада на Република Македонија“.

На тоа место, ќе биде напишано Влада на Северна Македонија, на македонски и на албански јазик.

Владата формира Интерресорска група која ќе треба да изработи Национален акциски план за спроведување на натамошните мерки и активности, а во рок до седум дена државните институции, граничните премини и дипломатско-конзуларните претставништва ќе треба да ги сменат таблите со новото име на државата – Република Северна Македонија.

Премиерот Зоран Заев, неодамна на оваа тема изјави:

-Многу е важно дома да не бидеме обезличени, да не бидеме обесчестени. Кога влегувавте во оваа Влада, таму пишува Влада на Република Македонија, да не мораме тоа да го смениме, истакна Заев во едно интервју.

Како и многу други, така и оваа изјава на Заев падна во вода. Сега кој и да влезе во оваа Влада, како што тоа го направи новинарот од странство, нема да може да прочита „Влада на Република Македонија“.

Употребата на новото име на државата ќе биде усогласено и со Законот за употреба на јазиците што значи дека таблите ќе бидат напишани и на албански јазик бидејќи, како што изјави неодамна владиниот портпарол Миле Бошњаковски, Албанците се 20 проценти на државно ниво.

Препораки за промена на таблите ќе добијат и единиците на локалната самоуправа, а секторите и службите за односи со јавност на државните и јавните институции ќе добијат насоки за употреба на уставното име.

Извор: kurir.mk

Само што беа поставени таблите на кои е напишано името Република Северна Македонија настрадаа од непознати активисти – пишува порталот “Експрес.мк”.