Синоќа во Ликовната галерија од ЦК”Марко Цепенков” во Прилеп беше отворена ретроспективната изложба на слики од Боро Арсовски Бабата,
по повод 55 години негово творештво.

Придонесот на Боро Арсовски Бабата кон македонската наива, како едно специфично движење на неакадемските ликовни уметници коешто ги зафати овие простори во текот на доцните 60-ти и раните 70-ти години, е голем.

-Специфичниот заокружен и јасно дефиниран сликарски израз којшто изобилува со богат визуелен вокабулар, го става Арсовски во редот на најзначајните претставници на македонската наива….

Посетителите синоќа имаа можат да ја видат ликовно-продукциската траекторија на овој врвен автор во периодот од 1970-тата до денес. Притоа забележителни се неговите напори за доследно почитување на една сликарска парадигма која во себе содржи прецизен цртеж, фигуративно-колористички баланс, автентична македонска орнаментика, костимографија и архитектура, мирен рурален секојдневен амбиент осветлен од македонското сонце… Сликите од Арсовски говорат за едно време коешто не постои денес, поточно, зборуваат за периодот кога луѓето беа многу поблиску до природата и нејзината убавина….

Како автор на многу слики коишто се дел од музејски и колекционерски збирки, но и на многу акварели и скулптури изработени на иста тематика – македонски автентичен амбиент со елементи на етнологија од овие простори препознаена во светот како македонски етнографски идентитет – за уметникот Боро Арсовски – Бабата можеме да кажеме дека, покрај тоа што е извонреден ликовен автор, можеме да го сметаме и за хроничар на едно изминато време коешто подразбираше симбиоза на човекот и природата – посочува Роберт Цветковски, историчар на уметноста, за творештвото на уметникот, кој има учествувано на преку 200 групни изложби и 5 самостојни.

Неговите слики се наоѓаат во многу галерии, музеи и приватни колекции ширум светот.

Од денеска стапува на сила обврската за задолжително користење на зимска опрема за возилата, која ќе трае до 15 март следната година.

-За да се избегнете сообраќајни казни и прекршоци, потребно е да го усогласите вашето возило со пропишаните барања: возила до 3.500 кг – потребни се зимски гуми на сите тркала со длабочина на шарата од минимум 4 мм, или летни гуми со истата длабочина, со задолжително носење синџири за снег, возила со погон на сите тркала (4х4) – зимски гуми со длабочина од најмалку 6 мм, или летни гуми со минимум 4 мм длабочина и синџири за снег, возила над 3.500 кг – зимски гуми со длабочина од 6 мм на погонските тркала, или летни гуми со минимум 4 мм, со задолжителни синџири за снег, информираат од Автомото сојузот на Македонија.

Покрај ова, автобусите и товарните возила мора да носат прирачен алат како лопата, ако не можат да користат синџири за снег.

На Француските воени гробишта во Битола денес се одржа комеморативна церемонија по повод одбележувањето на примирјето од 11 ноември 1918
година и „Денот на народната жалост“.

Настанот, организиран од амбасадите на Сојузна Република Германија и Република Франција, беше посветен на споменот на сите загинати,
повредени, исчезнати и прогонети во воените конфликти, без разлика на нивната национална припадност. По тој повод, цвеќе положија
амбасадорката на Германија, Петра Дрекслер, амбасадорот на Франција, Кристоф Ле Риголер, градоначалникот на Општина Битола, Тони Коњановски, претседателот на Советот на општина Битола Бојан Бојкоски, како и претставници на институции и други делегации.

Меморијалниот простор на Француските воени гробишта претставува траен споменик на војниците кои го положиле својот живот и потсетник на
значајната улога на Македонскиот фронт во поширокиот европски историски контекст.Овој комплекс нè охрабрува да го негуваме сеќавањето и да ги вреднуваме поуките од минатото, со стремеж кон создавање иднина заснована на меѓусебно почитување, солидарност и пријателство.

Подгответе се за викенд исполнет со незаборавна атмосфера, одлична музика и многу позитивна енергија – само во Pub Club Terasa во Прилеп!

Овој викенд вe носиме на две вечери за паметење:

Вечерва (петок) настапуваат oдличните G&G бенд – дуото кое во изминатиот период остави одличен впечаток и чиј настап ќе биде одличен почеток на викендот.

Во сабота 15.11. се дружиме со маестралната дружина од Битола – АRTIUM BAND. Позитивни, секогаш расположени со полн куфер песни и хитови во кои ќе уживаме сите.

Резервирајте навреме на: 070 304 967

Не пропуштајте викенд полн со ритам, забава на најдобрата тераса во градот!

Следете ја Pub Club Terasa и уживајте во ноември!

View this post on Instagram

Градоначалникот на општина Битола од денес има нов заменик – советничката во Советот на општина Битола, Марина Крстиќ.

Крстиќ е советничка во новиот состав на Советот на општина Битола од редовите на ВМРО-ДПМНЕ.

Амбасадорката на Сојузна Република Германија Петра Дрекслер и амбасадорот на Република Франција, Кристоф Ле Риголер во заокружија престојот во Битола, со посета на општината, каде што остварија средба со градоначалникот Тони Коњановски.

На средбата, беа разменети искуствата од реализацијата на тековните проекти, кои што општина Битола ги реализира со поддршка од двете земји, како и можностите за продлабичување на взаемната соработка.

Градоначалникот се заблагодари на поддршката која што општината во континуитет ја добива од овие држави. На средбата присуствуваше и почесната конзулка на Република Франција во Битола, Калиопа Кривашија Стилиновиќ.

-На 13.11.2025 во 14:05 часот во Полициската станица за граничен премин и граничен надзор Меџитлија, додека го проверувал своето лично оружје, полициски службеник случајно испукал еден куршум и се здобил со повреда на рака. Известени се јавен обвинител, Одделот за внатрешна контрола, криминалистички истраги и професионални стандарди и трудов инспектор и се преземаат мерки за расчистување на случајот – информираат од МВР.

Од пристигнатите 25 случаи, Интерната комисија за кардиолошки и кардиохируршки интервенции анализираше 19, од кои кај 10 случаи утврди дека се непотребно извршени операции или непотребно се упатени за операции, соопшти денеска на прес-конференција министерот за здравство Азир Алиу.

Тој посочи дека од доставените 25 случаи, комисијата утврдила дека шест треба да се испратат до Државниот санитарен и здравствен инспекторат (ДСЗИ), бидејќи таа не е надлежна.

Претседавачот на комисијата, доктор Жарко Христовски рече дека во оваа првична фаза анализирале само потреба од реваскуларизација т.е.кај пациенти кои имаат васкуларна болест независно дали кардијална или периферна, а сите други пациенти кои треба да се анализираат по пријава или при следната фаза од нивното работење.

– Донесувавме одлуки на демократски начин на база на достапната медицинска документација и само досега од досегашната работа по пријави од пациенти лично доставени до Фондот за здравствено осигурување (ФЗО) или по пријави доставени од медицински установи до ФЗО и Министерството за здравство. Со резултатите од оваа првична наша анализа ќе настапиме заедно со меѓународната комисија која е поканета од страна на Министерството за здравство, од дополнителна анализа на овие случаи за кои утврдивме проблематична индикација или евентуално проблем во поставување индикација и воспоставување некаква стратегија за лекување, рече Христовски.

Со конечните резултати и за овие пријавени случаи и со тоа што ќе го работиме во втората фаза, која се состои во влегување во институциите кои се занимаваат со кардиоваскуларна медицина во државата со некаква рандом стратегија која ќе ја донесеме на следниот состанок, посочи Христовски, ќе направиме анализа на одреден број случаи околу стратегијата на лекување на пациенти со кардиоваскуларни проблеми.

Појасни дека сето ова во натамошниот дел ќе треба да донесе некакви заклучоци за подобрување на третманот на овие пациенти.

– Значи со интегрирањето на приватното и јавното здравство во донесување на стратегии и размена на информации тоа би требало дефинитивно да биде заклучок и финален резултат од работата на комисијата. Засега кај 10 случаи најдовме прекстензивна поставена индикација и тие ќе бидат предмет на обработка во понатамошната наша работа. Значи го очекуваме формирањето на меѓународната комисија и потоа со анализа на комплетната медицинска документација да донесеме и дефинитивни заклучоци и од тоа да произлезат и одредени натамошни стратешки потези кои ќе ја подобрат здравствената заштита од оваа област на граѓаните, додаде Христовски.

Најновиот СУПЕР МИЛИОНЕР ЏЕКПОТ на Виделотарија Касинос Австрија е освоен во Скопје. Среќниот играч освои фантастични 6.352.014 денари!

И овој викенд почнува со среќни вести. Во Скопје освоена е најпосакуваната ВЛТ добивка- СУПЕР МИЛИОНЕР ЏЕКПОТ, овојпат вредна 6.352.014 денари. Добивката е освоена на видеолотариските терминали кај нашиот деловен соработник Делта Бет Моцарт на 13.11.2025.

Тимот на Видеолотарија од срце му честита на големата добивка и му посакува радост, исполнети соништа и незаборавни моменти!

Во периодот од 03.11.2025 до 11.11.2025 Видеолотарија Касинос Австрија исплати фантастични 14.040.721 денари кон играчите на ВЛТ терминалите ширум Македонија и тоа:

1 СУПЕР МИЛИОНЕР ЏЕК ПОТ → исплатени 5.540.729 денари
4 МИЛИОНЕР џекпот добивки вкупно 6.616.593 денари
МИНИ џекпот добитници → со добивки од 1.883.399 денари
Видеолотарија Касинос Австрија повеќе од една деценија успешно работи во согласност со сите законски регулативи и меѓународни стандарди. Во изминатите 11 години, на среќните ВЛТ играчи низ Македонија им се исплатени преку 3 милијарди денари – доказ за транспарентност, стабилност и лидерска позиција во областа на електронските игри на среќа.

Витаминка започна со формална имплементација на ESG (Environmental, Social, Governance) принципите преку современата VSME рамка за репортирање, која овозможува систематски пристап кон одржлива практика, корпоративна одговорност и транспарентно управување. На денешната информативна и консултативна средба што се одржа во просториите на компанијата, беа разгледани приоритетните области од ESG доменот и беа споделени очекувањата, обврските и придобивките од одржливото работење.

Со овој чекор, компанијата ја зајакнува својата долгорочна стратегија и го потврдува континуираниот стремеж кон интегрирање на традицијата, иновацијата и квалитетот што ја обележуваат нејзината повеќедецениска работа, според Генералниот извршен директор, Сашо Наумоски.

„Процесот на воведување ESG во Витаминка не е административен чекор, туку длабинска трансформација на начинот на кој во компанијата се размислува, планира и делува. Со тоа оваа деловна обврска, станува стратешки избор кој ја потврдува нашата посветеност на одговорно и транспарентно работење. Нашата амбиција е ESG да стане дел од секојдневието, започнувајќи од одлуките во менаџментот, па до идеите што доаѓаат од нашите вработени. Тоа е нов начин на размислување што нè потсетува дека секој чекор има влијание и врз луѓето и врз животната околина. Веруваме дека со ова ќе ја зајакнеме конкурентноста на компанијата и ќе придонесеме за создавање подобра иднина за сите,“ изјави Наумоски.

ESG претставува глобално признат модел за мерење и управување со влијанието на компаниите врз животната средина, општеството и корпоративното управување. За Витаминка, ова значи надградување на процесите за намалување на влијанието врз околината, поголема грижа за вработените и заедницата, како и јакнење на транспарентноста и етичкото делување. Примената на ESG моделот ќе ѝ овозможи на компанијата поефикасно да ги следи своите резултати, да поставува јасни цели и да обезбеди повисок степен на отчетност кон сите засегнати страни.

Имплементацијата на ESG ќе се реализира етапно во следните три до пет години, при што до крајот на април 2026 година ќе биде подготвен и првиот ESG извештај. Во овој период, компанијата ќе работи на намалување на емисијата на CO₂, воведување енергетски поефикасни технологии, подобрување на управувањето со отпадот и оптимизација на транспортните процеси. Истовремено, ќе се унапредат програмите за развој на вработените, инклузивноста, родовата еднаквост и партнерството со локалната заедница. Компанијата ќе продолжи и со зајакнување на корпоративната етика, управувањето со ризици и усогласувањето со европските стандарди за одржливо корпоративно управување.

Витаминка гледа на ESG како на долгорочна трансформација што започнува одвнатре, со подигнување на свеста, подобрување на интерните процеси и градење корпоративна култура во која секоја одлука и секој чекор го земаат предвид влијанието врз луѓето и планетата. Со ова, компанијата прави значаен исчекор кон европските и глобалните стандарди за одржливост и ја зацврстува позицијата како одговорен и современ индустриски лидер.

Витаминка продолжува да гради на своите вредности на квалитет, доверба и грижа за заедницата, создавајќи основа за поодржлива иднина за сегашните и идните генерации.