МВР и РСБСП продолжуваат со превентивните активности во рамки на кампањата „Вози одморен!“, а денеска, во пресрет на Илинден, беа спроведени активности во Прилеп.

Пораките и советите кои МВР и РСБСП од Прилеп ги упатуваат до сите учесници во сообраќајот се пораки за совесно, одговорно и пред сѐ безбедно учество во сообраќајот за време на овој продолжен викенд, но и понатаму. Искуството и статистиката од минатите години покажуваат дека ова (јули/август) е најризичниот период од годината кога е во прашање безбедноста во патниот сообраќај.

Интензитетот на сообраќајот повеќератно се зголемува, температурите се на највисоко ниво,а со тоа се зголемува и ризикот и опасностите во сообраќајот. „РСБСП ги потсетува возачите дека единствениот услов за безбедено одвивање на сообраќајот за време на продолжениот викенд и празничните денови е максимално да се почитуваат сообраќајните правила и прописи, да се почитуваат правилата за ограничување на брзината и да не управуваат моторно возило под дејство на алкохол.

Само така ќе бидете сигурни дека безбедно и на време ќе пристигнете до саканата дестинација – изјави во Прилеп, Гордана Кожуваровска, претседател на РСБСП. МВР И РСБСП со совети по повод претстојниот продолжен викенд :

• Не се однесувајте агресивно во сообраќајот. Агресивното и нервозно учество во сообраќајот нема да ја намали гужвата.

• Немојте да возите слалом, да пристигнувате на полна линија или да пристигнувате колона на возила. • Бидете фокусирани и концентрирани во сообраќајот и не користете мобилен телефон за време на управувањето со возилото.

• Држете безбедно растојание помеѓу возилата. • Без разлика на кој начин учествувате во сообраќајот – возач, мотоциклист, велосипедист или пешак, најважен услов да пристигнете безбедно до саканата дестинација е да не учествувате во сообраќајот под дејство на алкохол и психотропни супстанции.

• Возете одморени, со претходно испланирано патување и со редовни паузи за време на патувањето. „Сообраќајните правила и прописи важат за сите учесници во сообраќајот и сите треба максимално да ги почитуваат, прво заради заштита на сопствениот живот и сопственото здравје, а потоа заштита на животот и здравјето на сите останати учесници во сообраќајот.

Апелирам до сите учесници во сообраќајот да бидат одговорни, да возат внимателно и на тој начин да останат безбедни во сообраќајот. За оние кои не ги почитуваат сообраќајните правила и прописи, следуваат санкции. Во текот на вчерашниот ден санкционирани се 537 возачи поради пребрзо возење, а од нив 60 на територија на СВР Битола. Синоќа пак, поради возење под дејство на алкохол санкционирани се 99 возачи, а само на територија на СВР Битола 45.

Сообраќајните контроли продолжуваат и во наредните денови и сите кои се однесуваат спротивно на сообраќајните правила и прописи ќе бидат санкционирани. Целта е, секако, побезбеден сообраќај за сите –рече портпаролот на МВР Тони Ангеловски на денешниот настан во Прилеп. МВР и РСБСП на сите граѓани им го честитаат големиот празник – Илинден и им посакуваат безбедни патувања и безбедно пристигнување на посакуваната дестинација. Возете одговорно и останете безбедни во сообраќајот !

Градоначалникот на општина Гази Баба, Борис Георгиевски, кој одново е кандидат за прв човек на општината од СДСМ, се стави во улога на претседател на Советот, па сам прозивајќи ги еден по еден, ги праша советниците од мнозинството како ќе гласаат по предлог точката за буџетот.

Вакво нешто никогаш не сте виделе:

Оперскиот пејач и поранешен пратеник Игор Дурловски, еден од водачите на граѓанската иницијатива „За заедничка Македонија“, реагира по најавата за прво одбележување на (нај)големиот македонски празник Илинден без говори на Мечкин Камен.

Без грижа, ќе дојде ден, ќе има Илинден со реки народ, достоинствен, македонски!
Ќе пееме, ќе славиме. pic.twitter.com/htM7Fa78jY

— Igor Durlovski (@IDurlovski) July 30, 2021

Владата на последната седница ја усвоила одлуката за разрешување на директорот на Царина, Горан Сугарески.

-На оваа седница Владата ја прифати одлуката на Комисијата за именување, Горан Сугарески да го разреши од должноста в.д. директор на Царинска управа, информираат од Владата.

На оваа позиција Владата ја именува Славица Котиров, досегашен заменик-директор.

Ако го нема Груевски тука, тогаш многу тешко можеш да дојдеш до вистинската слика за 27 април истакна претседателот Стево Пендаровски на вчерашниот брифинг за новинарите.

Според него ако главниот аргумент на обвинителството е дека седницата била водена спротивно на деловникот, тогаш обвинетите треба да одговараат за неделовничко работење, а не за терористички напад.

-Ако е точно дека главниот аргумент е дека водењето на седницата е спротивно на деловник, тогаш тоа евентуално би било неделовничко работење, а не организирање на терористички напад, вели Пендаровски.

Според него Апелација ќе има работа да потврди дали тоа било така, и дали има доволна основа да се осудат обвинетите Миле Јанакиевски, Спиро Ристовски, Трајко Вељановски и Владимир Атансовски за терористичка организација.

Тој потенцираше дека нема никаква логика организаторите да добијат 6 години, а извршителите да добијат 18 години затвор бидејќи се судат за исто дело исти настан.

Според него амнестијата може да служи како олеснителна околност, но таа се користи или целосно или воопшто, не може да се користи само дел. Ќе спуштиме некоја година поради амнестијата, ако се сака да се користи амнестијата тогаш треба во целост да се применува, ако не да не се споменува.

Пратеничката од редовите на ВМРО-ДПМНЕ, Благица Ласовска, имаше моќна и жестока реакција за време на собраниската расправа за ребалансот на буџетот.

Во својот говор, Ласовска, се осврна на мизерниот и заканувачки говор полн со ситење на туѓа несреќа што го користат членови на СДСМ, злоупотребувајќи ја собраниската говорница.

Денеска во манастирот Св. Марена, во близина на селото Туминец во Мала Преспа, Албанија, традиционално се одбележа големиот христијански празник Св. Марена, или кај народот познат како Света Огнена Марина (Марија).

Голем број Македонци од околните населени места, но и од Македонија, како и иселеници во странство, денеска беа присутни во манастирот и заедно заиграа македонско оро и запеаа македонска песна.

Манастирот датира од 18 век, а обновен е во 1926 година. Се наоѓа на самиот брег од Преспанското езеро, локација која самата по себе му дава дополнителна убавина и привлечност.

Патрон на манастирот е Света Огнена Марина – Марена, што се слави на 30 јули, празник кој Македонците во Мала Преспа, традиционално го слават заедно и каде и да се исселени тие за овој празник се тука.

Вообичаено е на овој празник, кога заради жештините “гори небото и земјата, не се работи “ниту една работа”. Во народната традиција сочувани се примери на пожари или громови во во топлите празнични денови изгореле жито, сено и домовите на луѓето кои го прекршиле празникот и работеле на празникот на Свети Марина.

Селото Туминец е едно од десетте населени места во Мала Преспа. Се наоѓа на самиот брег на Преспанското Езеро во близина на граничниот премин Стење-Горица и е второ село по големина, со околу 800 жители.

Погледнете дел од денешната македонска прослава во манастирот:

Прилепчанецот Томе Петрески одново се врати во Франција, каде ќе го води тимот на Кан, женска екипа која се натпреварува во Д2 лигата.

Петрески кој претходно мина долги години и како играч и како тренер во Франција, настапуваше за Данкерк и ПСЖ.

Водеше тимови од Франција, Мароко, Бахреин и Косово, додека во Македонија ги водеше екипите на Младост Богданци, работеше во Тиквеш, Прилеп, како и машкиот и женскиот тим на Пелистер.

На три дена пред најголемиот македонски празник државниот врв соопшти детали за празнувањето.

Оваа година во Крушево ќе биде претседателот Стево Пендаровски, но за првпат нема да има говор на Мечкин Камен. Новина е тоа што наместо во 12 часот, прославата ќе почне во 18 часот.

Првпат ќе дојде и лидерот на ДУИ Али Ахмети, а лична покана е испратена и до Христијан Мицкоски, но нема потврда дали ќе ја прифати. Поканети се и лидерите на Алијансата за Албанците Зијадин Села и Левица Димитар Апасиев. Ќе дојде и Заев, како и Стевче Јакимовски, Иван Стоиљковиќ и Маја Морачанин.Поканет е и сребрениот Олимпијец Дејан Георгиевски. Поранешниот премиер Љубчо Георгиевски нема да биде во Крушево бидејќи не бил тука.

Пендаровски на брифинг со уредниците соопшти дека оваа година решиле да одат со нов начин на прослава, за кој не вика дека е подобар, но ете одлучиле да се обидат.

-За што служи говорот?!Тој предизвикува свиркања, клетви, разединување. Сегашниот концепт на прослава е разединување а не обединување. На народот му е преку глава од политички говори, рече Пендаровски.

Наместо говор, Пендаровски ќе има кратко видеообраќање од две минути. Пораки за Илинден ќе пренесе актерот Никола Ристановски, а ќе настапи и Влатко Стефановски.

Иако одбележувањето на Илинден е една од барањата на Бугарија, претставници од источниот сосед нема да има.

Традиционалната коњаница ќе биде во Крушево а ќе маршира и почесен баталјон на АРМ.

На прославата покрај Танец ќе продефилира и ансамбл за албански песни и ора.

Извршен бил увид на местото на незгодата од увидна екипа од Полициската станица Прилеп.

На 29.07.2021 во 13.50 часот во Полициската станица Прилеп било пријавено дека во с.Сенокос се случила сообраќајна незгода помеѓу товарно возило „тата“, управувано од Д.П.(26) од Прилеп-с.Бело Поле и патничко возило „цитроен“, управувано од К.Б.(22) од с.Десово, двете со прилепски регистарски ознаки.

Во незгодата со тешки телесни повpeди се здобил К.Б., а со телесни повpeди се здобиле Д.П. и сопатникот од патничкото возило И.К.(51) од с.Десово, констатирани во Градската општа болница Прилеп.