Утре со почеток од 21 часот, па се до 2 часот по полноќ, роденденски концерт на The Hounds во Таke Five во Прилеп.

Најпознатите рокери од Прилеп слават 13 години заедно и ветуваат прекрасен концерт во срцето на Старата прилепска чаршија.

-После една година пауза поради пандемијата, се враќаме во срцето на чаршијата. Појачани со нашите пријатели на бина и Вас наша публико, ќе направиме момент кој ќе се памети цела година. Секогаш во среда – 11ти Август е датумот што треба да го зачувате. Целосната програма ќе ја објавиме во текот на неделата. Поканети сте сите, дојдете да играме и пееме заедно, велат од The Hounds.

После денешните високи температури, кои наместа во Македонија ќе се искачат до 42 степени, ни следува мало разладување.

За утре од УХМР најавуваат сончево време со мала до умерена локална облачност.

Попладне ќе има зголемување на облачноста проследено со локален пороен дожд, грмежи и засилен ветер.

Ќе има услови и за изолирана појава на град. Максималната температура ќе се намали за 3 до 5 степени. УВ=7

Во наредните 3 дена температурите ќе бидат во благ пад и ќе се движат во интервалот од 31 до 39 степени.

Спиењето попладне е поврзано со намалување на крвниот притисок и намалување на ризикот од срцев удар и други кардиоваскуларни болести, покажуваат податоците презентирани на една конференција на Европското здружение на кардиолози што се одржа во Лондон.

Во студија биле вклучени речиси 400 мажи и жени на средна возраст со хипертензија, состојба која значи зголемен крвен притисок.

Истражувањето покажа дека кај луѓето кои имаат навика попладне да дремнат, 24-часовен амбулантски систолен крвен притисок бил во просек за пет отсто понизок во споредба со пациентите кои не спијат во попладневните часови.

И иако таа разлика се чини на прв поглед мала, шефот на студијата д-р. Манолис Калистратос рекол дека дури и „намалување притисок од 2 mm Hg го намалува ризикот од развој на кардиоваскуларни болести за 10 проценти.”

Констатирано е дека попладневна дремка го намалува систолниот крвен притисок од 3 mm Hg за секој час на спиење, а за споредба, со мала доза на антихипертензивни лекови систолниот притисок се намалува за 5 до 7 mm Hg.

Друг факт во корист на оние кои сакаат попладневен одмор, студијата покажа дека подолг сон е поврзан со поголемо намалување на крвниот притисок. Се покажа дека еден час спиење дава најдобри резултати.

Иако бројките на зapaзени со Koвид-19 забpзано pacтат, микробиологот Никола Пановски за Канал 5 вели дека овој бран сепак нема да донесе голем број на cмpтни cлyчаи.

-Мислам дека добар дел од населението е прележано, релативно добар дел е вакциниpaно. Критично е особено за тие што не се вакциниpaни и што се потешка клиничка слика. Ако тие се заштитат во овие 2-3 месеци, се вакциниpaaт или некако се сокријат, нема да има многу cмpтни cлyчаи. Меѓутоа и да има нема да биде како порано, бидејќи имунитетот што го имаме, вештачки или природен, не’ штити. Мислам дека најмалку 70% од луѓето го имаат, а тие што го немаат, младите и децата полесно поминуваат – вели Пановски.

Досега во земјава се потврдени триесетина случаи со делта варијантата на Koвид 19. Од Министерството за здравство велат дека делта варијантата забрзано се шири секаде низ светот па голема е веројатноста истото да се случи и кај нас. Оттаму апелираат граѓаните да се вакцинираат со цел заштита на сопственото а со тоа и на јавното здравје, со цел да се избегнат поголеми рестрикции.

Новите рестриктивни мерки кои ги усвои Владата ќе стапат на сила од следниот понеделник. Со нив се предвидува задолжителна потврда за вакцина, најмалку прва доза, при влез на настан или објект со повеќе од 30 присутни на отворено. Д-р Пановски со критика гледа на дел од мерките додека за дел вели дека требало да се применуваат цело време.

-Мерката да не се собираат во затворен простор требаше да постои цело време. Иако задоцнета таа мерка е добра, не требаше да се дозволи собирања и свадби. Останатите мерки, како сертификати немаат никаква врска со епидемиологија и медицина. Ако овие седум дена се вакцинирате прва доза, можете да одите каде сакате, но имунитет ќе добиете по 3 месеци, ако е кинеска или месец и пол ако е „Фајзер“. Тоа е начин луѓето да се натераат да се вакцинираат – вели Пановски.

На едно четиричлено семејство во јули му биле потребни 34.128 денари за да ги покрие основните месечни потреби, покажуваат податоците на синдикалната кошница што ја изработува Сојузот на синдикати на Македонија.

Споредено со официјалните статистички податоци објавени за месечно исплатена плата во мај, трошоците на едно четиричлено семејство се поголеми за 5.407 денари.

Најмногу пари или 14.417 денари во јули биле потребни за храна и пијалоци, а 10.826 денари за подмирување на режиските трошоци. За превоз минимум биле потребни 2.528 денари, додека за хигиена 2.381 денар.

Остатокот е за обувки, облека, одржување на здравјето и за културни активности.

Морахад Амдуни маратонец кој е по потекло од Тунис, а трча за Франција, го направи најидиотскиот потег на Олимпијадата во Токио.

На маратонот од 42 километри на еден од пунктовите за разладување, Амдуни ги истурка сите шишиња со вода, а со цел да ги оневозможи останатите учесници да се разладат, иако температурата беше 35 степени.

На крајот тој заврши дури на 17-то место.

BREAKING: The Gold medal for biggest d*ckhead of the Tokyo Olympics goes to French marathon runner Morhad Amdouni who deliberately knocks over all the water for his fellow competitors…Unbelievable! pic.twitter.com/D4IwmlAHlL

— Piers Morgan (@piersmorgan) August 8, 2021

Владата организира прослава со 300 гости по повод 20-годишнината од рамковниот договор, само два дена пред стапување во сила на новите ригорозни мерки кои предвидуваат забрана за организирање прослави, џемејни веселбим свадби…

Првиот вицепремиер Артан Груби убедува дека и покрај тоа што се најавени 300 гости за централната манифестација нема опасност короната да се шири меѓу нив.

Речиси 500 илјади или пола милион евра се предвидени да се потрошат за целата прослава која трае неколку месеци но ќе финишира на 13 ти.

Вчера на празникот Св. Петка во прекрасниот храм Св. Никола во Крушево, се одржа Вечерна богослужба во спомен на патронот на нашата Македонска Православна Црква – ОА, Свети Климент Охридски.

После Вечерната богослужба, со моштите на светителот низ улиците на Крушево се одржа и свечена Литија.

Голем број верници учествуваа во литијата и се поклонија пред моштите на светиот Климент Охридски!

Литијата започна од храмот Св. Никола и се одвиваше по главната улица на Крушево и повторно назад до храмот.

Еден прекрасен настан кој зрачеше со љубов, радост и топлина.

Збунувачки и нејасни се новите предлог- владини мерки кои треба да стапат на сила од 16-ти август и за граѓаните и за угостителите. Од следниот понеделник, целосна забрана за работа ќе имаат внатрешните делови на угостителските објекти, а терасите ќе може да примаат само вакцинирани гости. За проверка дали гостинот има вакцинален сертификат ќе треба да си постават редарски служби.

– Значи секој граѓанин кој сака да посети угостителски објекти мора да биде вакциниран и да има сертификат за вакцина. Останатите мерки си останува да си важат, како што е четвротица на една маса и дистанца. За непочитување на оваа мерка граѓаните нема да бидат казнети, ќе се казнуваат угостителските објекти. Значи ако сакате да одите по кафулиња, вакцинирајте се. Секој што сака да посетува угостителски објект треба да има потврда за вакцинација. Ова важи доколку во објектот има над 30 гости. До 30 гости во моментов не важи оваа мерка. Ако бројот на гостите е под 30 угостителскиот објект нема обврска да има редарска служба, рече министерот Бектеши.

На почетокот редарот нема да оди и да бара сертификат од гостите, вели Бектеши туку на влезот на менаџерите или на сопствениците на угостителските објекти ќе треба да им се покаже сертификатот, а државниот пазарен инспекторат ќе врши контроли дали тоа се почитува или не.