Директорот на Државниот завод за статистика Апостол Симовски вели дека има слаб интерес кај луѓето да се пријават на конкурсот за попишувачи за претстојниот Попис и оти им недостигаат од 1000 до 1500 лица

Тој смета дека слабиот интерес за попишувачи не се должи на пандемијата, туку поради тоа што огласот бил излезен за време на летните одмори, во период кога има работа во земјоделството и кога луѓето се заминати сезонски да работат надвор од државата. Во вечерашното гостување на телевизијата „Сител“ Симовски апелира заинтересираните да се јават на конкурсот.

– Пописот напролет се одложи за септември. И ова беше период кога моравме да го објавиме огласот за попишувачи. Не очекував дека ќе има толку слаб интересот, особено во пописните реони кои го покриваат градот Скопје и околината, Охрид, Струмица, Ново Село и пописните реони каде што живее албанското население. Ни недостасуваат околу 1000 до 1500 попишувачи, вели Симовски.

Тој информира дека во 20 реони од вкупно 50 веќе има задоволителен број попишувачи.

Симовски оценува дека стравот од пандемија не е причина за малиот интерес на граѓаните да аплицираат за попишувачи, оти огласот бил објавен во време кога бројот на заразени бил многу мал. Но, и сега кога бројот се зголемува, луѓето инсистираат да нема никакви мерки.

– Инсистираме да одиме по кафеани, журки, да правиме свадби. Ако имаме страв од пандемијата за пописот, зошто немаме страв од работите кои ги набројав. Непочитувањето на мерките не доведе до ваква ситуација. Од една страна велиме, се плашиме, не примаме попишувачи и не сакаме да бидеме попишувачи, а од друга страна, сакаме да седиме по кафеани и ни пречи да се вакцинираме, вели Симовски, потенцирајќи дека тие работи се малку нелогични, односно пандемијата да се земе како оправдување.

Според него, има доволно време да се пријават заинтересираните на огласот за попишувачи за кои обуката почнува од 28 месецов.

– Ќе ги искористиме сите можности да ја пренесеме информацијата дека ни требаат попишувачи, потенцира Симовски, кој, меѓу другото, смета дека луѓето не се доволно информирани дека им требаат попишувачи.

Доколку не успеат да соберат доволен број попишувачи, Симовски вели дека имаат план Б, но се надева дека, сепак, нема да има потреба од алтернативи.

Директорот на ДЗС истакна дека пописот ќе се спроведе според мерките за заштита. Половина од попишувачите веќе се вакцинирани, а другите изразуваат желба за да бидат имунизирани.

Тој потенцира дека пописот е законска обврска и не сака да бидат доведени во ситуација да применуваат санкции. Според законот, Пописот на населението, домаќинствата и становите во Република Македонија 2021 година треба да се одржи од 5 до 30 септември.

Келнерите и готвачите во угостителските објекти не се обврзани да се вакцинираат. За разлика од гостите кои ако сакаат да влезат во кафеана или кафуле мора да приложат сертификат за вакцинација, персоналот нема потреба да има.

-Вработените не се должни иако е препорачано да се вакцинираат. Тие секако може да одат на работа. Целта на оваа мерка е да се спречи поголема група на луѓе односно гости кои се без вакцина да бидат на едно место и со тоа да се намали ризикот и од ширење на вирусот во угостителски објекти, велат од МЗ за Алфа.

Треба да се нагласи дека, ваквиот чин на селекција при рестрикциите е спротивен на членот 3 од Уставот на Република Македонија, според кој „се забранува секаков вид на дискриминација, па дури и по основ на здравствена состојба“.

Целиот прилог погледнете го на “АЛФА ТВ”

Министерството за здравство информира, согласно податоците од Институтот за јавно здравје:

Во последните 24 часа се направени 5.390 тестирање, а регистрирани се 639 нови случаи на КОВИД-19:

Скопје – 218, Тетово – 113, Гостивар – 99, Струмица – 37, Куманово – 34, Кичево – 32, Битола – 17, Струга – 16, Дебар – 9, Велес и Охрид – по 8, Прилеп ,Кавадарци и Берово – по 6, Штип ,Ресен и Македонски Брод – по 5, Валандово – 4, Кочани – 3, Радовиш и Делчево – по 2, Неготино,Крива Паланка , Виница и Демир Капија – по 1.

Регистрирани сe 22 оздравени пациенти од: Скопје – 8, Куманово – 5, Тетово – 4, Гостивар – 2, Струмица, Битола и Кочани – по 1.

Пријавени се 6 починати лица: по 2 починати лица од Скопје (75г и 76г) и Тетово (53 г и 77г), по едно починато лице од Гостивар (58г) и Битола (79г). Сите починати лица се починати во болнички услови.

Направени се 5.390 тестови преку: ИЈЗ-197, ЦЈЗ Скопје-69, ЦЈЗ Битола-102, ЦЈЗ Прилеп-36, ЦЈЗ Тетово–99, ЦЈЗ Куманово–88, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија – 4, ГОБ 8-ми Септември-9, Институт за микробиологија–1, Жан Митрев (Филип Втори)-149, Авицена-295, Биотек-248, Систина-102, лабораторија Лаор-584, Синлаб-89, Ремедика-10, Плодност–32, Генеа – 7, Никоб лаб-917, ВФВ Медикал-55, Ели Медика-36, ЈЗУ и ПЗУ (рапид тест) – вкупно 2.261.

Досега во Македонија се направени вкупно 1.039.272 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 159.908 бројката на оздравени пациенти е 150.635, на починати е 5.527, а бројот на активни случаи изнесува 3.746.

Повод Меѓународниот ден на младите премиерот Зоран Заев на својот фејсбук профил напиша дека стапката на младинска невработеност во земјава од 41,9% во 2016 е намален на 29,6 % во 2020

– Денеска го одбележуваме Меѓународниот ден на младите, под темата „Трансформирање на системите за храна: Младинска иновација за човечко и планетарно здравје“, со цел да се потенцира дека без учество на младите, не може да се постигне глобален успех во таа насока.

Земјоделството и производството на храна се шанса за успех, а пандемијата со КОВИД-19 уште повеќе ја нагласи потребата населението да биде обезбедено со здрава, безбедна, квалитетна и разновидна храна.

За таа цел, оваа Влада ја донесе мерката за поддршка до 20.000 евра неповратни средства за поттикнување на земјоделското производство на млади земјоделци. Отворена е можноста, што повеќе млади да се вклучат во целокупниот процес на земјоделство, да обезбедат добри услови за својата иднина и да останат, да ја градат тука, дома.

Исклучително е важно, да се адресираат и други клучни предизвици кои се дел од #Агенда2030 на Обединетите Нации, а тоа се намалувањето на младинската невработеност, социјалната вклученост, здравствената грижа, зачувувањето на биолошката разновидност и ублажување на климатските промени.

Македонија е првата земја во регионот што ја разви „Гаранцијата за млади“, што даде значителен успех во однос активноста на младите на пазарот на труд во нашата држава.

Заедно со другите сеопфатни и координирани младински политики, како што е Оперативниот план за вработување, стапката на младинска невработеност од 41,9% во 2016, се намали на 29,6 % во 2020.

Ја увидовме потреба од инклузија на младите во важните општествени процеси и затоа, денес преку Законот за младинско учество и младински политики во сите органи на државната управа и во единиците на локалната самоуправа има назначено службеник за млади, кој ќе им помага на младите за прашањата што ги интересираат од доменот на конкретната институција (https://vlada.mk/sluzbenik-za-mladi).

Младите преку личен ангажман беа и сѐ уште се активни во справувањето со последиците од КОВИД-19.

Сакам да оддадам признание и благодарност до младите доктори, кои се директно или индиректно вклучени во здравствениот систем и кои неуморно се борат за животите на нашите граѓани и до сите млади волонтери, кои преку индивидуален, но и колективен ангажман, придонесуваат за справување со пандемијата.

#InternationalYouthDay се одржува секоја година на 12 август и е иницијатива која ги слави квалитетите на младите и ги препознава предизвиците со кои може да се соочи денешната младина.

Денешниот #МеѓународенДенНаМлади го одбележуваме, препознавајќи ја препознаваме важната улога на младите во креирањето на демократско општество и преку институциите заедно креираме политики за подобар живот за сите граѓани. – напиша премиерот Заев.

Младата крушевчанка Ирена Богданоска од понеделникот е во кома, откако ја кacнал инceкт и се наоѓа во пpиватна болница во Скопје, каде се бopи за живот.

Лекyвањето чини 1500 евра дневно, нешто што нејзиното семејство не може да го дозволи и отворена е донација на социјалните мрежи, за Богданоска да оздрави и повторно да се врати кај нејзиниот сопруг и двете дечиња.

„Состојбата со мојата Ирена е многу лоша. Без размислување ја пренесовме во Систина, каде цела болница се бори за нејзиниот живот. Ја касна некаков инсект и за една минута падна во кома. Ги замолувам сите кои можат да донираат, за Ирена да ни се врати повторно дома“, ни истакна нејзиниот сопруг.

Сите заинтересирани и хумани граѓани, можат да донираат на следниот ЛИНК.

Министерот за здравство Венко Филипче по увидот на состојбата со пожapите и новите рестрикции кои од понеделник стапуваат во сила се вратил во Грција за да го доврши одморот, објави „А1он“.

Тој за порталот изјавил дека вечерва се враќа, а од утре ќе биде во Скопје.

Како што пишува „А1он“ тоа значи дека министерот одморот го продолжил пред четири дена откако Владата по предлог на Комисијата за зapaзни болecти изгласа нови рестриктивни мерки против коронавирусот, а тој одржа прес-конференција.

Василис Петропулос е играорец и графички артист, а на неговиот јутјуб канал ги промовира традиционалните ора и танци од различни земји

Видеото во продолжение е сплет од 12 традиционални ора кои потекнуваат од 12 балкански земји.

Уживајте:

Битно за нашите власти бил корисен, тони вода истурил врз пожарите, а шоферот се познавал со премиерот Зоран Заев

Медиумите во регионот историскиот противпожарен “фап” го споредија со автобусот во филмот “Кој тоа таму пее”.

Па и не се далеку од вистината…

На социјалните мрежи се појави видео од плажата Градиште во Охрид.

На видеото кое се појави на Инстаграм брзо се прошири и на другите социјални мрежи.

На видеото може да се види како комбе е влезено во Охридското езеро. Според првични информации на социјалните мрежи човекот пробал да извлече чамец, но брановите го зафатиле и се заглавил.

Граѓани се обидуваа да го извлечат од езерото.