Лео Меси веќе 3 дена е нов играч на ПСЖ каде започна со тренинзи и го очекува своето деби за клубот од француската престолнина

Тој имаше емотивно збогување со Барселона каде помина цели 18 години од својата кариера и постигна рекорди кои тешко дека некој во блиска иднина ќе ги сруши.

На последната прес конференција Меси заплака, а марамчето со кое се бришеше заврши на аукција и се продава за неверојатна сума од 1 милион долари.

На 13.08.2021 од Одделот за кpиминалиcтичка полициja – Ceктopoт за економcки кpиминал и кopyпциja и Ceктopoт за општ и нacилен кpиминал, во кoopдинација со Оддел за специjaлни полициcки опepaции и со СВР Велес, лишени се од cлобода П.М.(22), Д.П.(23), Ј.К.(21) и В.З.(24), сите од Неготино.

По претходно добиена cyдcка нapeдба од Ocновен cyд Кавадарци, по преземени мерки и активности бил извршен пpeтpec во домовите на овие четири лица, пopaди пocтоење ocновано coмнение за стopeни кpивични дела „лиxвapcтво“, „изнyда“, „загpoзyвање на cигypнocта“ и „пpeдизвикyвање на општа опacнocт“, при што биле пpoнajдени повеќе предмети од извpшените кpивични дела.

Имено, пријавените давале пари на заем со писмени и усмени договори и притоа за себе договарале несразмерно високи камати, со цел противправно да се стекнат со материјална корист.

За да ја постигнат целта користеле закани, физичка cила, а на 09.08.2021 запалиле и патничко возило, со што предизвикале пожap и општа опacнocт по околината.

Против нив СВР Велес поднесе кpивична пpиjaва до Основното јавно обвинителство во Кавадарци по чл.260, чл.258, чл.144 и чл.288 од Кривичниот законик, а од страна на Основен cyд Кавадарци им е одредена мepка пpитвop.

На 13.08.2021 во 15.30 часот, на магиcтpaлниот пат Охрид-Ресен во близина на охридското село Опеница, патничко возило „форд“, со битолски peгиcтapcки ознаки, yпpaвyвано од А.Р.(28) од Битола, излетало од патот.

Притоа, со тешки телecни повpeди се здобила малолетна coпатничка од Битола, конcтатиpaни во болницата „Св.Еразмо“.

Увид извршија полициcки екипи – информираат од МВР.

Неофицијално деновиве прилепското јавно обвинителство ја повикало бившата директорка на ЈП за ПУП на распит за набавката на четирите автобуси во јавниот превоз.

Ова беше и за очекување по апелот и на амбасадорката на САД, дека крајно време е да се справи државата со корупцијата и противзаконските набавки.

Да потсетиме дека четирите автобуси кои користат метан, а истиот се уште го нема во Прилеп, беа набавени на скандалозен начин.

Сомнителна беше и цената, која изнесуваше 250.000 евра за еден автобус.

Да потсетиме дека за слична сомнителна набавка екс министерката Јанкулоска веќе е во затвор.

Дали ова е доказ дека прилепското обвинителство почнува да расчистува со кpиминалот во ЈП последниве 4 години?

За влез на сите настани кои се организираат освен со сертификат за вакцинација со примена барем една доза, ќе биде доволно да се приложи и потврда од прележан Koвид во рок од 45 дена, рече министерот за здравство Венко Филипче пред Општата Болница во Охрид.

-Според одлуките на последната владина седница, невакцинираното лице ќе нема право да влезе во угостителски објект или да присуствува на настан на кој има повеќе од 30 лица, рече Филипче.

Филипче, потврди дека и граѓаните кои прележале ковид, покрај тие што примиле најмалку една доза на вакцина, ќе може да влегуваат во затворени простории, одоносно да присуствуваат на настани на затворено.

Од 16 август се воведува задолжителна потврда за извршена имунизација, најмалку прва доза, со задолжителна редарска служба заради контрола на приложување доказ за вакцинација при влез во секаков вид на објект, вклучително и во угостителски објекти, каде има повеќе од 30 присутни лица, за било каков настан (прослава, концерт, семинар, обука, работилница, конференција, културни или спортски настани).

За православните христијански верници денеска почнува двонеделниот Богородичен пост, кој е посветен на Успението на Пресвета Богородица.

Овој пост е востановен во молитвено сеќавање на Пресвета Богородица, а со цел во периодот на неговото времетраење уште поинтензивно да се изискува молитвеното застапништво од Пресветата Богомајка.

По својата временска должина тоа е најкраткиот од четирите годишни пости и трае 15 дена, односно секоја година започнува на денот на прославувањето на светите седум макавејци (1/14 август), а завршува на благденот Успение на Пресвета Богородица (15/28 август).

Сигурни сведоштва за оформувањето на Богородичниот пост најнапред наоѓаме во списите на Теодор Студит (IX век), а тој е конечно утврден од Светата Црква на Цариградскиот собор во 1166 година, иако верните уште многу векови порано пребивале во пост исчекувајќи го денот посветен на Успението на Богородица.

И покрај постоењето на ориентирни правила во однос на позволените и забранети продукти за исхрана, никогаш не смее да се заборави дека сржта на православната антропологија е во тоа дека од човекот не треба да се стори проста маса, туку секој е и треба да остане конкретна личност, Оттаму, „строгоста“ на личното применување на физичката страна на постот зависи од личносниот совет од духовниот отец кон своето духовно чедо.

Константата, пак, која треба да се следи во секој повеќедневен пост, а која никако не се „разблажнува“ е духовната страна на постењето. Духовниот пост секогаш подразбира одрекување од сите облици на грешни и зли мисли, желби и дела, додека телесниот пост е само неопходно помошно средство за успешна духовна борба против страстите.

Денот на празнувањето на Успението на Пресвета Богородица, 28 август, е неработен за граѓаните од православна исповед во земјава.

Битолчанец од плац за купување и изнајмување на автомобили во Англија зел да проба еден “Јагуар XF” и без согласност на сопственикот го управувал на локален – oбјави порталот од Битола “Бабамбитола”

Излегол на патот и возел во спротивна насока, па се судрил со Мерцедес. Начинот на кој му ги објаснува причините за сообраќајката на сопственикот на автомобилот е урнебесен.

Погледнете во видеото во продолжение (4мин):

Фејсбук статус на директорот на Центарот за управување со кризи, Стојанче Ангелов

Во своето денешно интервју за Дојче Веле, претседателот Стево Пендаровски меѓу другото тврди дека почетокот на акцијата за заземање на Арачиново бил неуспешен и дека неуспехот на акцијата бил очигледен.

Верувам дека ваквата изјава претседателот ја дал поради недоволна информираност за овој настан и дека во првиот момент кога двајцата ќе најдеме време ќе седнеме на по едно кафе и јас како непосреден учесник во нападот на Арачиново, како тогашен заменик командант на Тигрите кој предводеше дел од пешадискиот напад, ќе му ја раскажам мојата вистина за Арачиново, вистина зад која имам стотици сведоци од редовите на македонските безбедносни сили.

Почитуван претседателе Пендаровски! Во битката за Арачиново, ние, припадниците на македонските безбедносни сили, бевме надмоќни во секој поглед. Бевме побројни, подобро организирани, подобро обучени, вклучително и една врвно обучена полициска единица (Тигри) и една врвно обучена армиска единица (Волци). Понатаму, ние, припадниците на македонските безбедносни сили, бевме и помотивирани бидејки злото ни стигна до прагот на главниот град. Бевме и неспоредливо подобро опремени и вооружени. Од вооружување ние имавме безмалку сѐ, а тие немаа речиси ништо, освен нивните стари пушки и митрлези, фрлачи на ракети и минофрлачи.

Во нападот на Арачиново македонската Армија за прв пат ги употребени борбените авиони „Сухој“ со нивните разорни ракети и митралези, по којзнае кој пат ги употреби и борбените хеликоптери МИ-24 и МИ-8 со нивните исто така моќни ракети и митралези. Тенкови, топови, хаубици, минофрлачи, митралези, рачни фрлачи на ракети, пушки и пиштоли! Авијација, артилерија, логистика и пешадија!

Со ваква огнена надмоќ едноставно, немавме причина да брзаме. Зошто брзајќи да губиме „жива сила“ кога можевме пополека, без брзање, да го освоиме и исчистиме селото без многу загинати, ранети или повредени?

Претседателе Пендаровски! Без разлика на вашата перцепција која произлегува од вашата тогашна позиција Советник за национална безбедност во кабинетот на тогашниот Претседател, јас ве уверувам дека во 2001-та, ние, македонските бранители, војнички победивме во сите битки, победивме секаде каде што имавме наредба да војуваме. Изгубија политичарите. Но нивниот политички пораз е далеку од наш воен пораз. Нашата акција во Арачиново не само што не беше неуспешна туку беше победничка. Победничка бидејки нашиот непријател побегна. Побегна напуштајќи го боиштето тогаш кога сфати дека ќе биде целосно елиминиран. Мавтајки со бели знамиња, молејки за помош кај НАТО и меѓународната заедница.

20 години подоцна, на политичкиот пораз гледам малку поинаку, свесен дека тогаш на политичарите воопшто не им било лесно. Едноставно, додека ние со УЧК се боревме во прашината, државниот врв во удобниот хотел Белви бил под страшен притисок од меѓународната заедница и НАТО, да го прекине нападот и да потпише мировен договор.

Денес често се прашувам дали доколку нашето државно раководство не попуштило и не овозможило безбедно извлекување на опкружените припадници на УЧК од Арачиново, Македонија во 2001-та ќе завршеше како Србија во 1999-та? Особено ако се има во предвид дека додека траеле овие мачни преговори, нашите безбедносни служби јавиле дека од Јонско во Јадранско море впловува еден голем носач на авиони. Моја претпоставка е дека информацијата за овој носач го омекнал мислењето на целиот државен врв. Претпоставувам, не тврдам.

Како и да е, 20 години подоцна, тие кои тогаш им помагаа ним, денес ни помагаат нам, на сите нас, кои живееме на ова единствено парче македонска земја на кое е формирана единствената македонска држава Македонија, макар и со географската одредница Северна.

Забелешка: Оваа реакција ја пишувам со прекини додека со помош на француските противпожарни експерти договараме стратегија за ставање под контрола на шумскиот пожар над демиркапиското с. Барово. Од местото на кое стојм гледам како шумата високо над селото гори и чади на неколку места а ветрот и сувата вегетација максимално ја влошуваат состојбата.