По се изгледа дека сагата за кандидат “губитник”, како што многумина велат, на СДСМ во Прилеп вечерва завршила.

Јованоски е извисен и искористен за овие изминати недели да сработи нешто, и да ги дораскопа улиците, а од утре може слободо да евоцира спомени и да одмара.

Можно е и директорите на јавните претпријатија да си дадат оставки како чин на коректност и свесност дека централата им кажала оти комплет не ги бива.

Вака прилепчани треба да знаат дека политичката кариера на Сугарески започната 2000-та ќе придолжи до 17ти октомври, потоа и тој се враќа во општина, а кариерата на Јованоски е завршена.

Тој ќе расмислува за грешките и ќе ја чека одговорноста за сомнежите за криминали…

Министерството за здравство информира, согласно податоците од Институтот за јавно здравје

Во последните 24 часа се направени 7.084 тестирањe, а регистрирани се 1.210 нови случаи на КОВИД-19:
Скопје – 464, Тетово – 177, Гостивар – 112, Куманово – 98, Струмица – 55, Кичево – 48, Битола – 32, Струга – 29,Кавадарци – 26, Радовиш – 15, Велес – 14, Кочани, Гевгелија и Ресен – по 13, Прилеп – 12, Делчево и Кратово – по 11, Македонски Брод – 10, Свети Николе – 9, Дебар и Виница – по 7, Неготино – 6, Берово – 5, Штип, Валандово и Богданци – по 4, Македонска Каменица – 3, Охрид , Крива Паланка и Пехчево – по 2, Демир Хисар и Демир Капија – по 1.

Регистрирани сe 451 оздравени пациенти од: Скопје – 133, Гостивар – 78, Тетово – 51, Струмица – 40, Куманово – 36, Кичево – 32, Дебар – 13, Велес – 10, Битола и Ресен – по 8, Кавадарци – 7, Штип – 6, Радовиш, Кочани и Берово – по 5, Прилеп и Свети Николе – по 3, Виница и Охрид – по 2, Гевгелија, Валандово, Пехчево и Демир Капија – по 1.

Пријавени се 32 починати лица: 8 починати лица од Скопје (52г,54г,58г, 61г,67г,68г, 75г, и 77г), по 6 починати лица од Гостивар (45г,47г ,48г,61г,67г и 74г), и Тетово (54г,57г, 60г,72г,74г и 78г), 3 од Куманово (52г,71г и 79г), 2 од Кичево (47г и 71г), по едно починато лице од Штип (56г), Кочани (67г), Берово (74г), Охрид (50г), Валандово (58г), Струга (64) и Делчево (32г).

Од вкупно пријавените, едно лице е починато во домашни, а останатите 31 лице се починати во болнички услови.
Направени се 7.084 тестови преку: ИЈЗ-358, ЦЈЗ Скопје-71, ЦЈЗ Битола-131, ЦЈЗ Прилеп-50, ЦЈЗ Тетово–145, ЦЈЗ Куманово–79, Клиника за инфективни болести и фебрилни состојби-1, Судска медицина-3, лабораторија болница Козле-0, УК Пулмологија со алергологија – 1, ГОБ 8-ми Септември-0, Институт за микробиологија–28, Жан Митрев (Филип Втори)-126, Авицена-503, Биотек-556, Систина-157, лабораторија Лаор-531, Синлаб-85, Ремедика-34, Плодност–76, Генеа -6, Никоб лаб-819, ВФВ Медикал-84, Ели Медика-68, Ројал Медика –73, ЈЗУ и ПЗУ (рапид тест) – вкупно 3.099.

Досега во земјата се направени вкупно 1.118.535 тестирање на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 170.412, бројката на оздравени пациенти е 152.916, на починати е 5.727, а бројот на активни случаи изнесува 11.769.

Во Прилеп во моментов активни се 151 случај.

На денешната 101-ва седница, Владата донесе измени и дополнувања на мерките за спречување на ширењето на КОВИД-19 според кои се дозволува организирање и одржување на спортски натпревари со присуство на публика, настани од културата, работа на ресторани, кафетерии, кладилници, обложувалници, концерти, семинари, работилници и други настани на затворено со 30% од капацитетот на просторот, а на отворено до 50 % од капацитетот, со почитување на протоколите и мерките за заштита од КОВИД-19, со поседување сертификат за примена на најмалку прва доза вакцина или сертификат за прележаност не постар од 45 дена, сметајќи од денот на оздравувањето.

Останува забраната за одржување свадби, родендени и други приватни прослави во затворените делови на угостителските објекти, како и сите други мерки согласно одлуката од 99-та седница според која за влез во угостителски објекти, кафулиња и барови, без разлика на капацитетот и бројот на присутни задолжително е поседување, приложување и проверка на еден од следните документи:

– Сертификат/потврда за извршена имунизација (вакцинација) од вирусот SARS-CoV-2, односно примена најмалку прва доза вакцина против заразната болест КОВИД-19 или

– Сертификат/потврда за прележан КОВИД-19 во последните 45 дена, сметајќи од денот на оздравувањето, за лица над 18-годишна возраст.

Оваа мерка задолжително се применува и за организација, работа и присуство/учество и на секаков вид на настан на отворен простор, како и за влез во затворениот дел од моловите.

Дополнително, во сите угостителски објекти, кафулиња и барови опфатени со оваа мерка каде капацитетот е поголем од 30 посетители/гости/лица, задолжително e воспоставување редарска служба од страна на правниот субјект за контрола и спроведување на мерката. Додека пак во угостителските објекти со капацитет помал од 30 лица контролата на поседувањето на КОВИД-19 сертификатот на посетителите е должност на редовно вработените лица.

Останува и забраната за организација на свадби, веселби и прослави во објекти од затворен тип, додека друг тип на настани на затворено и натаму може да се организираат со исполнетост до 30% од капацитетот на местото каде што се одржува настанот и ограничен број на посетители до максимум 1.000 посетители со задолжително поседување, приложување и проверка на еден од задолжителните КОВИД-19 документи.

Природата е вистинско чудо

Фотографиите се наравени во непосредна близина на центарот на Прилеп и покажуваат колкава моќ има природата да се справи и прилагоди на секоја препрека.

Наредно кога ќе видите некаде како некој сече дрво, сетете се на овие слики.

Ocновното jaвно обвинителcтво Велес поднece Обвинителен акт пpoтив 40-годишно лице од Прилеп за кpивично дело – Полов напад врз дете кое не наполнило 14 години од член 188 став 1 од Kpивичниот законик.

Како што соопшти Обвинителcтвото, обвинетиот лани на 20-ти ноември во Градско извршил полови дejcтвиja врз оштетеното девojче на возраст од 13 години.

-Имено, детето отишло во куќата на својот чичко каде се одржувала забава на која бил пpиcyтен и обвинетиот. Тој видел дека девojчето се yпатило кон дома и незабележано тpгнал по него.

Тypкајќи го, оштетената ycпеала да земе дpвен cтап и го yдpила обвинетиот по ногата. Тој паднал на земја и таа побегнала во својот дом, појаснуваат од ОЈО.

Јавниот обвинител оцени дека се уште постои опасност обвинетиот да се даде во бегство, па до судот достави предлог за продолжување на претходно определената мерка притвор.​​

Од денеска стапува во сила новиот Закон за заштита на личните податоци, донесен во февруари годинава, кој беше со одложена примена за да им се даде можност на компаниите и институциите во земјата да се прилагодат на промените.

Со примената на овој Закон се изврши усогласување со Општата регулатива за заштита на личните податоци 2016/679 на Европскиот парламент и на Советот од 27 април 2016 година за заштита на физички лица во поглед на обработката на лични податоци.

-Имајќи ги предвид новите предизвици во однос на основните човекови права и слободи кои се појавуваат секојдневно, конкретно на правото на приватност и заштитата на личните податоци, а со цел што подобро да се адресираат предизвиците во областа на приватноста кои произлегуваат од зголемената употреба на новите информациско/информатички технологии и глобализацијата во однос на обработката на личните податоци, во РС Македонија почувајќи од 24 август 2021 година, започнува со целосна примена новиот Закон за заштита на личните податоци. Тоа од една страна овозможува нормативно, а со започнувањето со примена и практично усогласување на македонското законодавство во областа на заштитата на човековите права со правото на Европската унија во оваа област, наведуваат од Агенцијата за заштита на лични податоци (АЗЛП).

Компаниите и претставници на институции и организации од земјите од ЕУ во Македонија и досега работеа во согласност со Европската регулатива односно со нашиот закон, којшто во целост е усогласен со овој документ.

Новиот закон, носи многу промени, а меѓу нив е тоа што секоја компанија, без ралика дали е мала, средна или голема, или институција или организација ќе мора да има офицер за заштита на лични податоци, а заштитата на податоците ќе биде на повисоко ниво од досега со тоа што контролорот на податоците ќе мора да преземе соодветни активности за подобрување, надградба и прилагодување на својот воспоставен систем за заштита на личните податоци.

Во текот на викендот, скопјанец во непосредна близина на Велес уловил сом долг 2 метри и 10 сантиметри и тежок 82 килограми.

Назми Акташи е името на скопјанец кој успеа да го улови овој сом. Тој инаку е риболовец.

Тој вели дека е многу ретко и тешко ваков вид на риба да се улови, па посочи дека нему му се посреќило.

Во изјава за Газета.мк тој вели дека дека по објавувањето на фотографии и видеа на неговата официјална страница на Фејсбук, добил понуди од разни здруженија и поединци да го купат сомот, но тој ги одбил.

Ви се обраќам, не само како кандидат за градоначалник, туку како Ваш пријател, човек кој секојдневно се соочува со истите проблеми како и Вашите. И мене, како и на мнозинството од Вас, ми пречат и ми бодат очи повеќето не реализирани проекти и пропаднати празни ветувања на локалната власт на СДСМ, во чие скоро 4 годишно владеење, видливи се само залудно потрошеното време, не решените проблеми во сите домени на општината како и неостварените помпезно најавувани проекти кои што останаа само убаво напишани на хартија – истакна на денешната прес конференција Д-р Борче Јовчески, кандидат за градоначалник на општина Прилеп од редовите на ВМРО-ДПМНЕ.

Во продолжение целосно ви ја пренесуваме прес конференцијата на Д-р Јовчески: