Еден од најдобрите катарски репрезентативци Рафаел Капоте се здоби со фрактура на вратните пршлени откако преживеа сообраќајна несреќа пред неколку дена.
Кариерата на еден од најдоминатните играчи во ракометот е во прашање, откако тој во драматична сообраќајна несреќа пред неколку дена се здобил со сериозни повреди кои би можеле да бидат пресудни за понатамошниот развој во неговата кариера.
Според странските медиуми ракометарот за среќа не го изгубил чувството во екстремитетите, а тој насокоро се очекува во Доха да работи и со врвен нервохирург, кој гарантира дека ќе успее да го оспособи Капоте да се врати на терените.
Ракометарот се очекува да биде надвор од терените повеќе од шест месеци, а Катарците наскоро би можеле да го доведат Вуко Борозан од Вардар во катарската репрезентација, откако црногорскиот интернационалец вчера и официјално објави дека повеќе нема да настапува за својата земја.
