Клубот “Skyriders” – Прилеп со поддршка од Локалната самоуправа на општина Прилеп, по трет пат го организираат натпреварот во прецизно слетување “PRILEP OPEN 2016”.
На натпреварот учество ќе земат натпреварувачи од Бугарија, Косово, Албанија и Македонија.
Натпреварувањето ќе започне утре, 29-ти октомври, со почеток од 09:00 часот и ќе трае до попладневните часови наредниот ден. Местото за полетување е манастирот Трескавец Богородица.
Покрај натпреварувачки карактер, настанот ќе има и рекреативен карактер, па така предвидени се тандем летови по намалени цени.
