Изложба на 30 дела од ликовната колонија “Михајлово” од Кавадарци во Прилеп

14068528_333904633616628_6352035462985223419_o

Изложба на 30 дела од ликовната колонија “Михајлово” од Кавадарци ќе биде отворена во петок 21 април 2017г. од 20.00 часот во ликовната галерија од ЦК,,Марко Цепенков,,.

Љубителите на ликовната ументост ќе имаат можност да видат дел од
делата што ги создале уметниците од Македонија, Србија, Бугарија, Грција, Албанија, Словенија, Романија, Полска, Косово и Турција кои учествувале на 20 издание на интернационалната кавадаречка колонија што ја организираат Домот на културата “Иван Мазов – Климе“и ЛС на Кавадарци.

Веќе две децении оваа колонија се вбројува меѓу најуспешните во земјата и на  неа со својата работа се претставија стотици ликовни уметници од целиот свет, меѓу кои и неколкумина прилепски уметници.
– Делата што ќе ги види публиката сведочат за специфичноста, духовното и
културното наследство, а пред се за вклопувањето на различни генерации сликари од  различни култури. На колонијата Михајлово егзистира заедницата на личности и етноси – ќе забележи историчарот по уметност Јованка Андонова.

Изложбата ЦК,,Марко Цепенков,, ја реализира во рамките на одличната соработка со кавадаречкиот Дом на култура, а е поддржана од Министерството за култура.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.