Богата фестивалска програма вечерва во Прилеп

6752-eho-festival-vo-prilep-960x600-1

По трет пат во нашиот град во организација на Општина Прилеп и на Форум за Авангардна Креативност ќе гостува ЕХО – филмскиот фестивал.

Програма на ЕХО фестивалот во Прилеп

18:00 Изложба на фотографии „PRILEP The Heart of Adventure“ – Галерија „Борко Лазески“ Центар за култура „Марко Цепенков“

18:30 ТОМ – Италија, 2015, Анхел Естебан/Елена Гоатели, 67’
19:40 пауза 10 мин

19:50 „ЏОКО И ПЛАНИНАТА“ на триото Подлешанков, Каракаш и Видановски. 5′

19:55 ГРАНИТНИ АЛПИ – Бугарија, 2016, Руслан Вакрилов, 21’

20:15 КРИС БОНИНГТОН – ЖИВОТ И ИСКАЧУВАЊА – Италија, 2015, Виничио Стефанело, 18′

20:35 пауза 10 мин

20:45 СЛОБОДА ПОД ТОВАР – Словачка, 2016, Павол Барабш, 58’

21:45 крај

Кратка содржина на фимовите:

Крис Бонингтон – живот и искачувања – Италија, 2015

Крис Бонингтон, еден од најголемите алпинисти во втората половина на дваесетиот век – споделува дел од своите авантури од неговиот живот полн со истраживања и искачувања по планините насекаде во светот. “Се чувствувам како да сум уште таму” објаснува Бонингтон, сеќавајќи се на планините и моментите во нив, толку јасно и чисто во неговиот ум. Ова е почетна точка на едно патување и рефлексија која во себе ги има најдлабоките, чисти, но и контрадикторни сентименти на овој алпинист, но пред се’ – човек. Неговата љубов кон својата жена и деца, неговата одлука да живее за и од алпинизмот, неговите пријателства, освојувања, но и болки поради многуте загубени пријатели, прават приказна, длабока и искрена, заедно уникатно искуство и истражување кое никогаш нема да има крај, исто како и сите големи пасии.

ТОМ – Италија, 2015

Том живее со својот татко Џејмс во еден кампинг во Доломитите. Двајцата живеат од неговата пензија. И неговата мајка, големата англиска алпинистка Алисон Харгривс, која загина при симнување од К2 кога тој имаше само 6 години, не сакаше да биде ништо освен качувач. Тој го посвети целиот свој живот на планините и една од последните цели му беше да се искачи соло по шесте северни страни во Алпите во една зимска сезона. Никој го нема тоа претходно направено и тој сака да биде прв. Со белото комбе кое го управува Џејмс, Том ќе патува низ Алпите и ќе се обиде да го реализира својот сон.

Слобода под товар – Словачка, 2016

Со стотина килограми на своите грбови, тие се соочуваат со невремиња, олуи и длабок снег. Нивната унешност не е само професија, туку и нивен сопствен начин да најдат мир.Во овој документарец, ќе имаме можност да се запознаеме со најстарата генерација на носачи во Високите Татри, кои со товар се качуваат по планините и вршат достава на разни потребштини за домовите секој ден. Ќе откриеме зошто го одбрале овој начин на живот и зошто останале последни Мохиканци на европскиот континент. А можеби ќе откриеме нешто и за својот товар во животот.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.