ФОТО: Навивачите на Фиорентина со последна порака до Астори, траорна атмосфера во Фиренца

Натпреварот помеѓу Фиорентина и Бенвенто во рамки на Серија А започна пред малку на стадионот „Артемио Франки“.

„Астори, засекогаш капитен“, порача Фиорентина со транспарент поставен на фудбалскиот терен непосредно пред мечот, а неговите соиграчи на загревање истрчаа во дресот со број „13“, кој го носеше Давиде Астори.

 

Атмосферата во Фиренца очекувано беше тмурна и тажна поради прераната смрт на капитенот Давиде Астори. Со огромен број транспаренти на трибините, навачите се простија од нивниот омилен фудбалер. Минутата молчење во негова чест се чинеше како цела вечност, а навивачите не можеа да ги сопрат солзите.

„Човек кој никогаш не умира… приказна која трае вечно… среќен пат, капитене!“, пишуваше на еден од транспарентите на „Артемио Франки“.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.