Крушево живее во духот на револуцијата, во духот на непокорот и одново се сеќава на славните востанички денови.
Се е во знакот на ослободителното востание и десетдневната Крушевска Република од Илинден 1903 година.
Денеска во градот пристигна и илинденската коњаница, со развиорено знаме “Слобода или смрт”, исто како и некогаш, кога тука зачекориле војводите и комитите.
Калдрмата одново зачука од потковиците на коњите, а крушевчани се собраа да ги пречекаат коњаниците, кои и оваа година од повеќе места од Македонија се упатија на долг поход.
А/Г/
