Полициската станица Прилеп поднесе кривична пријава против 72-годишната Р.Д. и 44-годишната Н.Т. од Прилеп, поради постоење основи на сомнение за сторено кривично дело „спречување на службено лице во вршење службено дејствие“ и за “напад врз службено лице при вршење работи на безбедноста“.
Пријавените при интервенција на полициски службеници во врска со поплака од нивниот сосед, започнале вербална расправија на повисок тон, одбиле да ги дадат личните карти и почнале да ги навредуваат полициските службеници.
По усна наредба на полициските службеници да влезат во полициското комбе, пријавените држејќи се за портата, давале отпор, а потоа почнале да маваат со рацете и нозете кон полициските службеници.
