Сега веќе поранешниот фудбалер на Фиорентина, Федерико Бернардески и официјално стави потпис на договор со Јувентус.
23-годишниот италијански репрезентативец пристигна во Торино на лекарски прегледи во текот на вчерашниот ден, а откако успешно ги мина прегледите, тој стави потпис на договор со Јувентус. Така трансфер сагата беше завршена, а Јувентус го потврди трансферот на својата официјална страница.
Бернардески наводно со „Бјанконерите“ потпишал петгодишен договор, а годишно во торинскиот клуб би требало да заработува околу четири милиони евра.
