Нов позитивен резултат за Победа: Прилепчани не дозволија изненадување на “Могила”

Во рамките од 5-тото коло на Првата македонска фудбалска лига, попладнево во Прилеп, Победа ја пречека екипата на Академија Пандев. Нерешено на полувреме 1:1, нерешено на крајот 2:2.

Со тоа Победа не дозволи изненадување пред својата публика и забележа нов позитивен резултат и покрај тоа што гостите во два наврати водеа на натпреварот.

Дориев за Академија Пандев отвори за 0:1 во 20-тата минута, а Илиоски во 42-тата прв пат го израмни резултатото. На стартот на второто полувреме повторно водство за струмичани во 55-тата минута донесе Грифони, а Шаркоски за Победа стрелаше за повторно израмнување во 84-тата минута.

Потоа следуваше силен налет на прилепчани во последните минути од натпреварот, но гостите успеаа да одолеат и да понесат бод.

Во наредното коло Победа повторно игра пред домашна публика и ја пречекува раштиманата екипа на Работнички, кои во досегашниот дел од лигата имаат освоено само еден бод.

А/Г/

 

 




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.