Вистински шок доживеал средовечен Кинез кога се вратил од град. Влегол во својата соба и на креветот и на подот пронашол искинати банкноти, во вредност од 50.000 јуани, околу 6.500 евра.
Кривецот за ова е неговиот петгодишен син, кој малку повеќе се заиграл и ја искинал оваа сума на пари, пишува Метро.
Но, тука не бил крајот на шоковите. Господинот со презиме Гао ја замолил својата банка да му ги замени банкнотите, но бил одбиен и му било кажано дека мора да ги залепи парите ако сака да ги замени.
Три дена поминал во обиди да ги спои парите, а признал дека не го криви својот мал син, затоа што детето се уште не знаело што прави.
