Изгласан Законот за употреба на јазиците, без поддршка од ВМРО-ДПМНЕ

Собранието на Република Македонија со 64 гласа „за“, без против и воздржани го донесе Законот за јазиците, без амандманска расправа.

За Законот гласаа и пратениците од немнозинските заедници кои со 24 гласа го донесоа Законот.

Пратениците од опозицијата се обидоа да го спречат гласањето по законот и да побараат процедурално да се обратат, но Претседателот на Собранието Талат Џафери ја прекина седницата и со обезбедување излезе од пленарната сала.

Претходно при обидот на Џафери да ја отвори точката, пратениците од опозицијата побараа процедурално, но тој ги игнорираше и продолжи со работа, по што неколку пратеници на ВМРО-ДПМНЕ, меѓу кои и поранешниот лидер Никола Груевски излегоа на говорницата.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.