Земјоделци го блокираа патот Росоман- Прилеп, бараат новата влада да им ги исполни барањата

Регионалниот пат Росоман – Прилеп кај пазарот во Росоман утринава од 09:45 часот е блокиран од страна на земјоделци кои се незадоволни од откупот на праски.

zemjodelci-pat1

Ваквата реакција доаѓа откако 10 килограми праски се откупуваат по багателна цена од 50 до 60 денари, што според овоштарите не може да се покрие ниту производствената цена. Тие се надеваат дека новата Влада ќе преземе некои мерки за да на некој начин се компензира оваа сезона.

Додаваат дека извозот е многу мал, порано во најголем дел праските оделе за Русија, а сега и тоа што се извезува е по многу ниска цена.

zemjodelci-pat

Земјоделците вчера ги најавија блокадите на патиштата за денеска, а ќе траат секој ден се до конечно исполнување на барањата. Патот денеска е блокиран од страна на 50-тина земјоделци со 10 трактори, а сообраќајот, како што соопшти Авто мото сојузот на Македонија, се пренасочува по споредни патишта.




Markukule.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.