Александар Темелков повторно се врати на сцената во “Ѕвездите на Гранд” и се претстави со македонска народна песна, а со помош на продукциското жири ја отпеа и втората песна. Со песната “Кило горе, кило доле” од Миле Китиќ, младиот велешанец направи вистинско шоу, притоа одеше од стол до стол да ги поздрави членовите на жирито.
Кога дојде до столот на Јелена Карлеуша таа го подигна во раце и го врати на сцената, а сите во студиото “плачеа од смеа”. Со седум гласови Александар влезе во баражот, а Саша Поповиќ после неговиот настап истакна дека младиот велешанец е еден од најпопуларните натпреварувачи, бидејќи учествува веќе четврта сезона.
