Бети Милер од Америка е уапсена во четвртокот откако е утврдено дека произведувала отров во домот за стари лица во Вермонт, а потоа го испробувала на лицата сместени во домот.
За среќа, отровот кој таа го правела нема однесено ниту една жртва, но бил доволна причина за полицајците да направат претрес и да најдат шишенца, на кои стоела ознаката „рицин“.
Милер за ФБИ рекла дека отсекогаш ја интересирала билните отрови, дека информациите ги наоѓала на интернет и ги тестирала на другите лица во домот, со ставање на мали количини во храната и водата.
По приведувањето, полицајците ги одзеле сите опасни супстанци пронајдени во нејзината соба.
