Необична појава на Антартикот ги збуни научниците: „За 35 години прв пат гледам вакво нешто“ (ВИДЕО)

0

Површината на мразот кој го прекрива Арктичкиот океан минатата зима била најмала во последните 38 години, што е нов знак дека климатските промени се забрзуваат, предупредуваат научниците.

Арктичкиот мраз веќе трета година по ред има најмала површина за време на зимата, откако во 1979. година започнале сателитските мерења, соопштиле во средата НАСА и Американскиот институт за снег и мраз.

Ова не е неочекувано бидејќи 2016. година била најтопла година во историјата и трета најтопла година по ред, што не е видено од 1880. година, кога почнала да се мери температурата.

“Ја следам арктичката клима во зима веќе 35 години и уште не сум го видел ова што се случува последните години”, рекол директорот на NSIDC, Марк Серезе.

Исто така, податоците од сателитот “CryoSat-2” на Европската вселенска агенција покажуваат дека арктичкиот мраз е нешто потенок отколку во последните четири години.

“Така тенкиот мраз на почетокот на топлиот дел од годината најавува можност за нов рекорд во најмала површина на мраз во септември”, истакнува Џулијен Строев, научничка од “NSIDC”.

Најмалата површина на мраз во септември прв пат ги алармирала научниците во 2005. година, кога паднала на невидено ниско ниво.